影片
更多
2023-02-11
74 瀏覽
【情人節好去處🥂 落地玻璃城市景，唯美有情調西餐廳💖】推薦程度：●●●●○抵食程度：●●●○○———〈Appetizer - 八爪魚牛油果西柚他他伴香脆蝦片〉牛油果口感好creamy，加上八爪魚粒嘅爽彈同西柚果肉嘅爆汁清新，口感上毫無違和感💯✨ 他他單食已經唔錯，加埋蝦片食，咸香同酥脆令成件事更昇華，推薦🌟〈Salad-to-share - 無花果牛油果發達芝士核桃沙律伴黑醋汁〉口感同味道層次滿滿嘅沙律✨無花果本體好香甜、軟綿，配合沙律菜嘅爽口同大大粒核桃帶嚟嘅咬口，口感非常層次豐富🫶🏻 黑醋配搭紫洋蔥令整體味道生色不少，而芝士帶嚟咸香同奶羶味可以話係畫龍點睛🙌🏻 整體係一道有質素嘅前菜沙律🥗〈Soup - 松露牛肝菌醬忌廉湯〉松露同肝菌芳香撲鼻，肝菌打成蓉，增添口感唔錯👍🏻 湯底唔算好稠杰，入口亦唔算好濃厚，但勝在唔會太膩，唔會濟到肚咗；另外驚喜嘅係細節位麵包粒好酥脆！〈Main - 挪威三文魚柳伴大蜆及草莓慕斯〉｜$458魚皮夠乾身、香脆；魚油油脂豐富，加上簡單調味已經食到三文魚嘅鮮甜👍🏻 中間略嫌過熟啲啲，少少乾🤏🏻 草莓慕斯口感好fluffy，空氣感💯 味道微微帶果酸，果香味唔
推薦程度：●●●●○
抵食程度：●●●○○
———
〈Appetizer - 八爪魚牛油果西柚他他伴香脆蝦片〉牛油果口感好creamy，加上八爪魚粒嘅爽彈同西柚果肉嘅爆汁清新，口感上毫無違和感💯✨ 他他單食已經唔錯，加埋蝦片食，咸香同酥脆令成件事更昇華，推薦🌟
〈Salad-to-share - 無花果牛油果發達芝士核桃沙律伴黑醋汁〉口感同味道層次滿滿嘅沙律✨無花果本體好香甜、軟綿，配合沙律菜嘅爽口同大大粒核桃帶嚟嘅咬口，口感非常層次豐富🫶🏻 黑醋配搭紫洋蔥令整體味道生色不少，而芝士帶嚟咸香同奶羶味可以話係畫龍點睛🙌🏻 整體係一道有質素嘅前菜沙律🥗
〈Soup - 松露牛肝菌醬忌廉湯〉松露同肝菌芳香撲鼻，肝菌打成蓉，增添口感唔錯👍🏻 湯底唔算好稠杰，入口亦唔算好濃厚，但勝在唔會太膩，唔會濟到肚咗；另外驚喜嘅係細節位麵包粒好酥脆！
〈Main - 挪威三文魚柳伴大蜆及草莓慕斯〉｜$458魚皮夠乾身、香脆；魚油油脂豐富，加上簡單調味已經食到三文魚嘅鮮甜👍🏻 中間略嫌過熟啲啲，少少乾🤏🏻 草莓慕斯口感好fluffy，空氣感💯 味道微微帶果酸，果香味唔太出眾，配埋三文魚食幾獨特～ 蜆肉唔算大件，鮮甜味OK，唔算太出眾～
〈Main - 美國安格斯肉眼牛扒伴大蝦及煙肉蘆筍卷〉｜$558牛扒肉脂比例唔錯，醃得好入味，唔需要點醬料都好足夠🫶🏻 牛肉唔算濃郁，肉質略嫌帶少少筋🤏🏻 香煎到五成熟剛剛好，覺得貨源問題少少浪費咗廚師心機🥹 大蝦有2隻，表面香脆，肉質彈牙✨ 煙肉厚身，唔會太乾身，包埋蘆筍食爽口而油脂平衡，唔錯🙌🏻
〈Dessert - 紅莓慕絲朱古力脆底蛋糕〉超打卡able同慶節嘅甜品💖 紅色心心啫喱同raspberry嘅點綴，加埋粉紅粉紅嘅蛋糕好吸睛💖 一份有齊雙層慕絲▶️蛋糕▶️朱古力底，三重享受✨慕絲尚算幼滑，酸甜度剛好🫶🏻；蛋糕夠軟綿濕潤；而朱古力底脆口感唔一致，有啲位脆啲有啲位唔脆，少少失望～ 整體唔會過甜，分係俾靚靚擺盤的😹
〈Drink - 水果茶〉
好多果肉粒‼️ 有青紅蘋果同橙，好清新爽甜；茶底微微帶茶澀味，屬易入口同大眾化口味；整體好fresh又解膩✨
張貼
