影片
更多
2021-02-15
227 瀏覽
用餐時間： 假期星期日 1315餐廳本身唔算方便，係上環站行過黎要上兩條大樓梯，我朋友行完之後都見頭暈。情人節嗰日餐廳只會提供情人節menu，每人$288，包3道菜。牛角包本身偏乾，點住龍蝦湯食就唔會覺得乾身，而且別有一番風味。牛角包上面啲蟹籽同平時食開橙色既有啲唔同，不過都好食既。入面既蟹膏漿都好正，味道好似真係食緊蟹膏咁。外觀一流，味道都幾好，雞肉唔會乾身，鴨肝份量好足，而且橙色嗰隻醬甜甜地幾好食。第一次食威靈頓牛，不過有啲失望。牛肉比較熟，目測可能有7成以上，而我既理想係5成左右，所以食落有啲鞋。控制唔好熟度應該係一個比較低級既犯錯。不過酥皮係做得唔錯，唔會話一整就散曬。酥皮同牛中間有一層蘑菇蓉，同gordan ramsey做法幾似。用杯去整個芝士蛋糕係個幾特別既做法，不過佢係面頭既藍莓醬落得有啲多，搞到食落去係幾酸下，如果少翻啲藍莓醬會好好多。呢個焦糖燉蛋整得相當唔錯。燉蛋同棉花糖原來幾夾，而焦糖燉蛋本身除左靚之外，食落味道都好好。餐廳好窩心，情人節當日每位女士都會送一支玫瑰，而且幾靚同埋有花香味。店員服務態度好好，我既同行朋友啱啱黎到唔舒服，店員除左主動比左杯水佢之外，之後仲
餐廳本身唔算方便，係上環站行過黎要上兩條大樓梯，我朋友行完之後都見頭暈。
情人節嗰日餐廳只會提供情人節menu，每人$288，包3道菜。
龍蝦湯流心牛角包
35 瀏覽
0 讚好
0 留言
龍蝦湯流心牛角包
29 瀏覽
0 讚好
0 留言
牛角包本身偏乾，點住龍蝦湯食就唔會覺得乾身，而且別有一番風味。
爆漿蟹膏流心牛角包
47 瀏覽
0 讚好
0 留言
爆漿蟹膏流心牛角包
15 瀏覽
0 讚好
0 留言
牛角包上面啲蟹籽同平時食開橙色既有啲唔同，不過都好食既。入面既蟹膏漿都好正，味道好似真係食緊蟹膏咁。
黑松露慢煮鴨肝雞卷
12 瀏覽
0 讚好
0 留言
外觀一流，味道都幾好，雞肉唔會乾身，鴨肝份量好足，而且橙色嗰隻醬甜甜地幾好食。
英式威靈頓牛柳
45 瀏覽
0 讚好
0 留言
第一次食威靈頓牛，不過有啲失望。牛肉比較熟，目測可能有7成以上，而我既理想係5成左右，所以食落有啲鞋。控制唔好熟度應該係一個比較低級既犯錯。不過酥皮係做得唔錯，唔會話一整就散曬。酥皮同牛中間有一層蘑菇蓉，同gordan ramsey做法幾似。
芝士蛋糕
26 瀏覽
0 讚好
0 留言
用杯去整個芝士蛋糕係個幾特別既做法，不過佢係面頭既藍莓醬落得有啲多，搞到食落去係幾酸下，如果少翻啲藍莓醬會好好多。
法式焦糖燉蛋
17 瀏覽
0 讚好
0 留言
呢個焦糖燉蛋整得相當唔錯。燉蛋同棉花糖原來幾夾，而焦糖燉蛋本身除左靚之外，食落味道都好好。
餐廳好窩心，情人節當日每位女士都會送一支玫瑰，而且幾靚同埋有花香味。
店員服務態度好好，我既同行朋友啱啱黎到唔舒服，店員除左主動比左杯水佢之外，之後仲有問候翻佢，好窩心。而且其餘時間都服務態度好好，好有禮貌，值得讚賞。
有一樣做得麻麻既係環境比較窄，有啲影響左用餐既氣氛。
最後埋單連加一係$686，兩個人平均每人$343。
張貼
