Gary Kwok Flowers & Café

營業中

休息中

餐廳：Gary Kwok Flowers & Café地點：灣仔合和中心菜式：Café餐牌：3-6點有茶餐，包一款是日甜品同咖啡或者其他飲品，$82。巴斯克乳酪蛋糕 巴斯克乳酪蛋糕用牛油紙包住，面頭一大粒棉花糖，係燒過所以脆皮，外脆內軟。蛋糕塊皮好有焦香，少少脆，而入面芝士蛋糕夠厚身又滑溜，凍凍地唔會太膩！豆腐蛋糕豆腐蛋糕賣相唔錯，外面燒過，入面係凍凍地，豆腐慕斯好滑溜，而豆味剛好，唔會太腥，餅底夠厚身，甜度適中，唔錯唔錯。Tofu Matcha Latte Tofu Matcha Latte 用球形玻璃杯上枱，好大杯。入面有好多滑豆腐花，豆味濃，用粗飲管已經吸到。抹茶味都好濃，配豆腐好夾。下底原來有幾粒抹茶mochi，好驚喜。70% Belgium Dark Chocolate Mocha70% Belgium Dark Chocolate Mocha大大杯，咖啡味好香，朱古力味唔會甜。今餐個人特別鍾意豆腐蛋糕。餐廳座位自己搵，放有好多花花同植物裝飾，感覺少女感滿滿。檸檬水自助。