孵化生活

營業中

休息中

餐廳位於荔枝角工厦區嘅誠信中心, 內部木系裝修有文青感覺, 佈置幾有格調, 牆邊有植物點綴, 座位闊落, 空間感充足, 令人感到悠閒舒適。午餐有多款選擇, 可揀沙律或餐湯, 加上主菜, 並可按喜好加配食物和飲品。黑松露泡沫蘑菇餐湯 配黑炭麵包泡沫豐富, 滲著黑松露香味, 蘑菇打成蓉粒, 湯底順滑。田園沙律蔬菜新鮮, 口感清新。美國安格斯牛沙朗配薯條 薄切安格斯牛沙朗肉質嫩滑, 肉汁豐富, 火候啱啱好, 薯條熱辣辣好香脆。烤檸檬香草法國春雞 春雞肉厚嫩滑, 味道較清淡, 有著用檸檬香草香味, 同樣配以熱辣辣香脆嘅薯條。水牛城雞翼 雞翼好香脆, 厚身肉質幼滑, 醬汁甜甜地帶少少辣, 惹味又醒胃。latte咖啡順滑, 加上拉花, 果茶幾清甜。