孵化生活

營業中

休息中

去開荔枝角，又唔知食咩上網見到人地推介呢間抱住試一試佢嘅心態入座一入去侍應嘅態度好到令你覺得好舒服會細心向你講解今日推介但唔會逼你一定要試最後叫咗以下幾度菜式雖然等待時間係耐少少～但完全令你覺得咩叫慢功出細貨擺碟優美 仲要係好食！真係忍唔住一定要相機食先🤣咁樣食牛法我都係第一次（見識少）真係一試難忘～ 仲會過嚟同我地確認下呢個熟度係咪我地想要嘅真係好好嘅服務同食物質素如果下次再嚟開呢頭，應該會再幫襯佢

三人行晚餐体驗,看看餐牌冇鱼冇雞已知子妙,一間餐廳点解冇鱼同雞,冇朱鞍🤔🤔,已睇得大廚出餐牌嘅能力完全0經驗,只见餐牌一大堆低级冇質素小食,最經典炸薯餅可當小食😃😃,總廚系m記請反黎天大笑話,當晚叫了酒店级價錢卡邦尼意粉,乳朱,龍虾海鮮飯,意粉先上一看已知劣級煙肉意粉,好似198,連基本煙朱腩肉都冇,忌廉又系谈如水,乳朱到份量每人只分到2小件$268到油淋淋皮,完全冇味嘅肉😡,好似懷疑系一班有冇經驗厨師去烹調🤔🤔🤔🤔,龍虾來到錫紙一開,3人嘩一聲呢d叫海鲜🤬🤬🤬,1隻中指甘大冇味急凍龍下尾,2隻虾,6隻蜆仔,4尤魚圈全急凍劣貨😭😭😭,$398食餐途中见到一位疑似穿西裝老細態度好惡劣🤬問佢有冇餐飲介紹,一開口酒氣臭個天見佢醉分分都停止溝通,成晚用餐体驗非常之差,不會再回顧更不會推介比朋友,直頭系荔枝角劣食天花板😭😭😭😭

見評語幾好去試試，首先位置都方便，近地鐵站。叫了牛扒，有肉味，以慢煮形式再入木盒上枱，有汁附但無最後加鹽上枱，味道普通。慢煮乳豬，肉質都ok，但皮不夠脆。龍蝦海鮮飯，都有成隻龍蝦，飯汁比較多，米是大米。餐廳沒有沙律菜，其他菜式不吸引所以沒有叫。雞翼太辣汁太多。環境算不錯，但傾計比較應聲。要注意寫收10點其實last order 主食8:30 甜品 8:45 9:00埋單 9:30就直接趕客走，咁就唔該更正資料餐廳收9:30吧！

這餐廳除了環境同食物質素好之外，誠信也是值得一讃，上個月他收多了錢，我沒有為意，他們昨天突然通知我叫我查查戶口,並說如果一我確認後他們會即刻將多了的銀碼入返我戶口。

今日同朋友去荔枝角工廈搵食，發現呢間「孵化生活」玩西式fusion，環境chill到爆燈💡！試咗招牌炭燒牛、邪惡黑松露薯條，仲有驚喜甜品😛水牛城雞翼 $88雞翼炸得超脆，個醬酸辣度啱啱好，仲有啲蒜香吊味🌶️！一碟得5隻略嫌唔夠喉，但個醬真係撈埋薯條都仲得，好食到舔手指😋！黑松露薯條 $68薯條即炸熱辣辣，黑松露醬多到瀉！仲灑滿芝士碎🧀，邪惡度爆燈💥！不過要趁快食，凍咗會變淋～木盒炭燒牛莎朗 $238重點推薦‼️ 牛扒炭燒香超突出，medium rare切開仲有粉紅肉汁💦！配埋木盒煙燻效果，打卡一流📸。旁邊嘅蒜蓉牛油醬係靈魂，蘸多啲唔該！海鮮焗西班牙燴飯 $398大蝦+蜆鋪滿面，海鮮新鮮無雪藏味🦐！飯底吸晒番茄同海鮮湯精華，不過略嫌飯粒唔夠「夾生」，正宗派可能嫌唔夠道地～荔枝梳打（大）$138解膩必點！荔枝味清甜唔假，仲有粒粒果肉🍹，大杯到兩個人都夠飲。巴斯克芝士蛋糕 $68流心效果無得輸🧀！芝士濃到黏喉嚨，餅底脆脆地，甜度剛剛好，芝士控必encore～焦糖燉蛋 $38今餐美中不足嘅甜品~燉蛋唔夠凍，質地太奶油似食緊牛油😵，焦糖層亦太薄，唔夠脆，可以skip～總結：工廈價錢、酒店質素！牛莎朗

之前放工，我嘅另一半就帶我嚟呢一間距離我返工地方唔遠嘅隱世餐廳。入到去發覺環境唔錯，幾有特色，衛生同服務態度都幾好，係略嫌整體環境暗咗啲。我同另一半都嗌咗個套餐，個套餐就會包一客前菜同埋一個主菜，我哋分別叫咗北海道溫泉蛋同埋蘑菇湯作為前菜。個蘑菇湯上面有一層好厚嘅泡，我覺得幾有特色，而且味道算唔錯。至於主菜方面，我同另一半就分別叫咗手撕雞薄餅同埋龍脷柳。坦白講，個薄餅完全食唔出手撕雞嘅味道，不過個雞肉味道就好濃郁，甚至我略嫌係太重口味。至於個龍脷柳就相當唔錯，色香味俱全。個套餐亦有一杯嘢飲，我哋兩個都係嗌咗杯凍水果茶，味道就係西柚紅茶，唔甜，而且幾開胃又清涼，我個人非常鍾意。兩個人食咗唔夠$400 ，但係基本上飽到唔想郁，性價比非常好。

由荔枝角地鐵站C出口過條馬路就會到嘅FuFa Life ，佢嘅門面令人驚艷外，服務也不錯；因為要遲10分鐘先可到餐廳，所以就先打去講聲，店員仲叫我慢慢，會留位俾我🥹感動。去到近乎滿座，枱與枱間都有啲距離，遠處有個調酒的bar 枱，很吸晴呢。🍴墨西哥脆片配牛油果 - 前菜的節奏，個Nacho新鮮到好似岩岩我拆開包Lays咁😆而果個牛油果醬不錯，perfect match。🍴德國豬手配黑胡椒汁加薯條 - 豬手偏咸，肉質都幾滑滑，我幾乎食哂佢嘅薯條🍟🍴小食併盤 - 有蝦片、炸蝦、炸雞同炸魷魚圈，正常發揮。🥂 Two Moons Signature Dry Gin - 講真佢啲Gin就有驚喜了，Dry Gin好岩飲，唔啃喉又解渴。🥂 Two Moons Calamansi Gin - 呢個有層次，飲到個香花味，清新！🥂Two Moons Five Flowers Tea Gin - 呢杯原來真係有五花茶味，酒味厚身啲，都得意的。

本身成個用餐體驗其實好好，一到餐廳門口覺得餐廳環境幾靚又坐得舒服！豬鞍超好食！！蘑菇湯同埋龍蝦湯原來面頭都會有泡沫，兩個湯都不錯。係Openrice見到烤季節蔬菜既相覺得份量都多，於是就叫左一份。點知真係好無奈….1. 蔬菜份量比Openrice既相明顯少好多2. 大部份蔬菜基本上就係同豬鞍一模一樣既配菜3. 單叫一份烤季節蔬菜要成$128….但豬鞍lunch set都係貴多少少（係$200內）係就係好食，但又唔係話超級好食，非食不可，所以性價比真係好低…

聽同事講呢間西餐好好食，終於有機會try try！咁啱呢日lunch嘅時間好匆忙，但都照去試試FUFA Life~ 搵嘅時候要花少少心機，同等𨋢嘅時間比較耐。上到去環境燈光昏暗，有啲情調，所以當日同啲高層食有啲尷尬🤣 不過格調就襯返佢哋lunch set揀咗豬鞍，好有驚喜！上菜好快，配Salad同果茶，唯一係想飲咖啡要加錢，anyway會encore！驚喜之處在於個焦糖醬，同豬鞍出奇地夾，本身唔食薯蓉嘅我都因為個汁而食咗唔少，當然個豬安都超級Juicy啦😋

#跟住我食唔中伏 #香港真好食餐廳今日朋友約我喺荔枝角食午餐，佢帶我去咗呢間隱世小店一到門口我就覺得餐廳有獨特嘅格調，但亦好親民舒適✨主打fusion菜，午餐set有12個選擇，都幾多😮我哋揀咗「招牌慢煮西班牙豬鞍架」$178#推薦 豬鞍慢煮得入味，調味恰好，肉質多汁超嫩滑👍油香味十足，質地一流！另一道「海鮮意大利麵配冬蔭公汁」$153都令人驚艷！雖然冬陰功嘅酸味唔重，但少少微辣又唔會刺鼻，而且唔油膩，蝦、魷魚片同蜆都新鮮好味💖比想像中更好食！！午餐可配沙律或者湯，我哋揀咗田園沙律，色彩好繽紛🥰仲有Super food羽衣甘藍 & 水果，黑醋調味都好夾！飲品方面，我試咗柬埔寨花茶，香氣四溢，清新提神🆗，朋友就選咗果茶🍹最後仲有甜品CREME BRÛLÉE，為呢餐畫上完美句號！總結：整體所有嘢都水準中上💖❤️‍🔥最令我驚喜嘅係百幾蚊可以食到水準高質嘅豬鞍架，性價比超高‼️

職員有禮貌，雖然款式唔多，但每樣野食都好好食，今次叫左水牛雞翼，炭烤牛，芝士pizza , 卡邦尼👍希望多啲人去幫襯啦，因星期日去都唔多人，好想留住好餐廳🙏🏻,甜品同水果茶 都出色， 環境都好舒適！

置身在工廠大廈內慢活嘅餐廳呢度冇香港嘅忙碌可以同朋友慢慢享受食物食物質素很好 不過價錢上少少貴但是整體嚟講食物質素 同價錢相符食物擺盤都很有心思非常之推薦唔鍾意趕住食飯嘅人

自家製脆糖刁草醃三文魚配田園沙律🥗三文魚食落夠晒新鮮肥美😋配搭靚靚擺盤田園沙律 魚油啱啱好索晒落沙律 食落清新又爽脆🫶🏻-烤季節蔬菜蔬菜嘅種類豐富 有南瓜 茄子 意大利青瓜 甜椒 蘑菇同埋蘆筍等等☝🏻用烤製嘅形式保留咗蔬菜嘅香甜 整體食落香甜而不油膩❤️食落仲微微焦脆-整體環境優雅得嚟帶有氣氛 係一間帶有格調嘅小酒館 整體以水泥色為主調 掛上唔同嘅掛畫 滿滿嘅藝術感🙌🏻 仲有好多創意美食 手工咖啡同酒類飲品🍸好適合同朋友一齊小酌一杯

今次黎到荔枝角試試呢間文青餐廳
可能食晚餐要情調既關係 餐廳既燈光比較暗
要靠枱果盞蘑菇燈先勉強睇到菜式
餐廳職員都好友善 會主動介紹今日有咩special 
✨慢煮烤脆皮乳鴿 $108+
因為係bb乳鴿  份量比較精緻
乳鴿皮脆到好似食緊薯片咁
一咬落去係爆汁
肉質嫩滑
星星推薦度:⭐️⭐️⭐️⭐️/5
✨德國豬手配柬埔寨黑胡椒汁 $268+
呢個必嗌
大大份 豬皮係脆卜卜 仲有薯條配埋
豬手充滿咸香 肉質嫩滑
唔會覺得膩仲會食完仲想食
有黃芥辣同埋柬埔寨黑胡椒汁可以蘸,多重口味
唯一可以改善既位係蘸醬既碟仔可以再闊身少少就更好了
星星推薦度:⭐️⭐️⭐️⭐️⭐️/5
✨香蒜花甲意粉 $188+
意粉夠軟硬適中同埋蒜味完全融入左落意粉
花甲份量幾多, 但大部分都有沙
而且d沙仲要破壞埋個意粉, 失望!
星星推薦度:⭐️⭐️/5

店舖環境舒服，有品味。食物也算不錯。餐湯的泡泡很美觀。是蘑菇湯黑色的是蒜蓉包。有美觀之餘，味道也不錯。水牛城雞翼：熱辣辣幾好食，略嫌炸漿太厚。孵化手搓牛肉漢堡：我選擇了五成熟，漢堡很厚身有肉汁。入面的洋蔥和煙肉與牛肉都很夾。薯條屬於幼薯條，好食。沙律是柚子味，蔬菜新鮮調味好食。感覺在配菜上用料也是用心的。龍蝦意粉：有點奇怪，這個龍蝦意粉的醬是冬陰功味，龍蝦味很少。龍蝦肉彈牙新鮮的。不過這個不太推薦。午餐送花茶。