喜喜冰室 (已搬遷) 新店位置

有日下午去銅鑼灣行街，行行下見肚餓，就想食個tea，我鍾意飲奶茶，朋友就話附近有間舊式冰室，d奶茶好正，所以就去試下。一入到黎，d裝修真的好舊式，但幾有六七十年代feel，靚！除左奶茶，我們兩個仲叫左三份食品，首先係芝麻醬奶油多，多士烘過脆脆地，加上黑芝麻醬好香，甜甜地幾好食。另一樣就係香蕉班戟，香蕉片甜甜地，班戟好香軟，有d合桃伴碟，烘脆左好有咬口，材料的配搭又健康又好味！最後一樣就係鎮店之寶—雞批浮台，即係將個雞批放在一碗青豆湯中央，個人口味唔鍾意青豆，所以覺得麻麻。總括黎講，呢d舊式冰室買少見少，得閒經過應該要食多d。