咖啡空間

營業中

休息中

今日去到炮台山探親戚，就順便去附近既商場食晚餐，誤打誤撞咁搵到一間幾特別既餐廳。佢呢度既野食咩都有，有西式、東南亞、中式以致係台式既飲品。呢度逢星期五或者六都有live music,咁岩今晚係星期六，所以有得一邊聽住音樂，一邊嘆美食。我就揀左新加坡海鮮喇沙米線，呢個湯底都幾惹味，入面有幾隻蝦，再加埋有咬口既米線，唔錯。野飲方面，我就點左沖繩黑糖奶蓋手工咖啡，，都幾特別，第一次飲有奶蓋既咖啡，估唔到都幾match。朋友點既香菇忌廉燒汁配香煎豬排飯都唔錯！