影片
更多
2025-02-24
107 瀏覽
呢間餐廳環境簡約舒服，坐喺半山羅便臣道，望出去有啲chill嘅感覺。我最喜愛食佢地嘅海鮮叻沙，一上枱嗰陣聞到濃濃嘅椰香同辣味，已經覺得好吸引。湯底用咗椰奶同香料熬成，入口係嗰種溫和嘅辣，唔會太刺激，但夠香濃。海鮮方面有蝦、魷魚同蜆，份量算合理，蝦同魷魚都新鮮，咬落彈牙。叻沙麵條煮得剛剛好，軟硬適中，掛湯能力強，每啖都吸咗滿滿嘅湯汁，夠晒開胃。🥣我仲點咗北海道扇貝烤挪威三文魚，呢碟真係有驚喜。扇貝同三文魚一齊烤，賣相好精緻，上面仲有少少香草點綴。三文魚肉質嫩滑，烤得外皮微脆，內裏仲keep到juicy嘅口感，油脂香氣好突出。北海道扇貝大粒，燒完之後仲有甜味同海水嘅鮮味，咬落軟嫩得嚟唔腥，配搭三文魚嘅油香真係幾夾。🐟最後飲咗杯「GREEN DETOX」，成份有羽衣甘藍、蘋果、小黃瓜、芹菜、檸檬同薑。一入口有淡淡嘅青草味，羽衣甘藍同芹菜嘅味道比較明顯，但蘋果同檸檬嘅甜酸中和咗嗰份青澀，飲落好清爽，無加糖，好健康。🥬
我仲點咗北海道扇貝烤挪威三文魚，呢碟真係有驚喜。扇貝同三文魚一齊烤，賣相好精緻，上面仲有少少香草點綴。三文魚肉質嫩滑，烤得外皮微脆，內裏仲keep到juicy嘅口感，油脂香氣好突出。北海道扇貝大粒，燒完之後仲有甜味同海水嘅鮮味，咬落軟嫩得嚟唔腥，配搭三文魚嘅油香真係幾夾。🐟
最後飲咗杯「GREEN DETOX」，成份有羽衣甘藍、蘋果、小黃瓜、芹菜、檸檬同薑。一入口有淡淡嘅青草味，羽衣甘藍同芹菜嘅味道比較明顯，但蘋果同檸檬嘅甜酸中和咗嗰份青澀，飲落好清爽，無加糖，好健康。🥬
張貼
