雅 ‧悠蔬食

營業中

休息中

鍾意素食嘅我，最近去咗尖沙咀依間「雅•悠蔬食」食素，依間餐廳主打國際化Fusion菜式，仲要有推出香港人挈愛嘅美食之一：煲仔飯，餐廳Staff服務幾好、有禮貌。*此餐廳收取加一服務費。和風黑松露蘆筍燴扁意粉配蘆筍天婦羅（單點$268），蘆筍天婦羅口感酥脆，內有大量羊肚菌、秋葵、蘆筍、黃櫛瓜、冬菇、蘑菇、鴻喜菇、節瓜、洋蔥、彩椒、苦菊、生菜、紫椰菜、紅蘿蔔，扁意粉口感軟硬適中，容易掛汁，黑松露味道濃郁。素臘腸猴菇花菇煲仔飯（單點$158），即叫即製，冬菇、猴頭菇、珍珠花菇份量多，口感腍身，食落好入味，素臘腸食落好香口，配料包括西蘭花，飯粒口感粒粒分明，配以煲仔飯豉油食用，味道更佳，飯焦口感脆卜卜。松茸竹笙黃耳百合燉湯（跟餐$0），採用松茸、冬菇、竹笙、黃耳、百合燉製，好足料，飲落菇菌味道濃香。香芒牛油果苜蓿芽手卷（跟餐$0），紫菜口感香脆，採用苜蓿芽代替米飯，配以芒果、牛油果食用，味道清新。香酥芋圓（跟餐$0），表面鋪有黑芝麻、白芝麻、章魚燒醬，芋泥口感軟腍，內有南瓜。紫薯紅菜頭雪球（跟餐$0），表面鋪有苜蓿芽、沙律菜、美乃滋，紫薯蓉口感綿密，內有紅菜頭、蘋果，口感爽脆，味道清甜。柚子乳