影片
更多
2022-08-16
1737 瀏覽
大愛呢間餐廳，無論係環境同美食都令我鍾意，仲有啲返咗韓國嘅感覺因為同朋友都大愛韓國，但係仲未有得飛嘅原因都要食吓韓國嘢過口癮，搵咗呢間韓國餐廳估佢唔到一入嚟個環境就已經覺得好似韓國嘅餐廳，仲俾我見到我超級鍾意食嘅醬油蟹，坐低佢會先俾前菜小食醬油拼盤 $600拼盤裏面有醬油蟹x2,醬油蝦x5, 醬油鮑魚x2,紫菜飯團x2我想講我覺得好好食，佢係自家製汁，味道好啱我口味，同埋佢用新鮮海蝦，令到蝦好爽口，好好食😋半生熟鮑魚我第一次食，爽口彈牙入味，做到個口咁唔會韌，唔錯醬油蟹當然係主角，記得撈埋飯團一齊食，多膏好好食鍾意食醬油蟹嘅人真係唔好錯過，香港冇咩地方可以食到咁正宗個紫菜飯團好食到好想添🙈🙈豬皮 $98豬皮燒完比較淋身，加埋佢比既黃豆粉食落唔油膩梅肉 $118梅頭豬肉平時屋企整得多，但燒肉食就真係第一次，肉身比較淋，而且佢有脂肪，入口油脂豐富，正醃製豬肋肉 $138豬肋肉西餐平時都有食開，味道都唔錯韓牛（1++）腹脅肉 $240好好食呀，一隻牛得好少呢個位，韓牛真係無得輸炸雞（辣味）韓國除咗燒肉同醬油醬，必食嘅梗係炸雞，炸得香脆，肉滑多汁燒酒 $78真露有唔同嘅味道，但係去韓國真心食飯
因為同朋友都大愛韓國，但係仲未有得飛嘅原因都要食吓韓國嘢過口癮，搵咗呢間韓國餐廳估佢唔到一入嚟個環境就已經覺得好似韓國嘅餐廳，仲俾我見到我超級鍾意食嘅醬油蟹，坐低佢會先俾前菜小食
醬油拼盤 $600
拼盤裏面有醬油蟹x2,醬油蝦x5, 醬油鮑魚x2,紫菜飯團x2
我想講我覺得好好食，佢係自家製汁，味道好啱我口味，同埋佢用新鮮海蝦，令到蝦好爽口，好好食😋
半生熟鮑魚我第一次食，爽口彈牙入味，做到個口咁唔會韌，唔錯
醬油蟹當然係主角，記得撈埋飯團一齊食，多膏好好食
鍾意食醬油蟹嘅人真係唔好錯過，香港冇咩地方可以食到咁正宗
個紫菜飯團好食到好想添🙈🙈
豬皮 $98
豬皮燒完比較淋身，加埋佢比既黃豆粉食落唔油膩
梅肉 $118
梅頭豬肉平時屋企整得多，但燒肉食就真係第一次，肉身比較淋，而且佢有脂肪，入口油脂豐富，正
醃製豬肋肉 $138
豬肋肉西餐平時都有食開，味道都唔錯
韓牛（1++）腹脅肉 $240
好好食呀，一隻牛得好少呢個位，韓牛真係無得輸
炸雞（辣味）
韓國除咗燒肉同醬油醬，必食嘅梗係炸雞，炸得香脆，肉滑多汁
燒酒 $78
真露有唔同嘅味道，但係去韓國真心食飯真係會必飲，所以我哋係到都要飲
清河酒 $88
我哋覺得佢比真露淡，飲落口感更加清爽，濃度相對於真露低
生米酒 $128
佢會用咗平時煲水嘅細壺，而且用碗飲，啱晒打卡
好易入口，味道比較甜，沉澱物都比較少，飲唔到酒既都唔會覺得難入口
除咗環境好似韓國餐廳之外，仲真係有一個韓國人主場（oopa)😝，仲要有電視機係播韓劇，所有店員禮貌都好好，同埋可能去見我哋論盡，仲幫我哋燒，好專業燒到啱啱好，好好食
所以我對呢間餐廳係超級滿意，100分滿分有110分🤭🤭
張貼
