68 Cafe

營業中

休息中

餐廳開左一段時間，之前經過想食晚餐，但原來佢唔做晚市。今日專程去呢間餐廳試吓午餐。餐廳似茶餐廳模式，午餐唔算貴，相信做街坊生意。咖哩牛肉飯既叻哩好好味，唔算太辣但有d咸。薯仔同牛肉炆得好入味，餸飯一流。不過飯既份量就少左dd...另一個午餐為肉眼扒，配菜可選飯、意粉、薯條或椰菜。黎到見到塊扒size真係好大，師傅用左黑椒醃扒，所以有些微辣。塊扒肉質好腍，無筋唔韌，但非常咸。 點埋蒜茸汁仲咸。厚d既位置個人黎講有d太生。😖餐飲可以加$6 轉紅豆涼粉冰。味道好好，唔算太甜，可以一試。總括而言，如果只為醫飽個肚，呢間餐廳ok，但如果你有d要求既話，可能其他餐廳會幫到你。