影片
更多
2022-05-22
699 瀏覽
Sukiyaki Mori (上環）再一次試呢間位於上環嘅關西壽喜燒不過今次就試左歌賦街分店呢間壽喜燒真好難book好好彩經過店舖問店員最快幾時有位剛巧有客人取消預訂所以第二日即刻食到壽喜燒lunch set包左前菜、茶碗蒸、麵豉湯、蔬菜盤、A4近江和牛同甜品（$580)今次是令頭盤係筍同海藻個人就唔係太喜好味道比較平凡少少至於茶碗蒸係薑蓉櫻花蝦茶碗蒸個人就覺得薑味太過突出但蛋就做得好香滑師傅依舊喺面前逐塊幫你燒牛牛有兩款包括牛肉眼同牛肩肉每塊牛都勁香可惜嘅係今次燒得比較熟咗少少做唔到入口即溶嘅效果但就有好濃郁嘅焦香味另外加左$100要左一份牛舌薄得黎都好爽口口感同味道都唔錯因為配搭左唔同嘅蔬菜同菇所以唔會覺得膩最出色我覺得係件洋蔥🧅真係燒得好香甜逐層逐層食好正之後師傅仲會煮個滑蛋牛肉飯真係超級滿足而尾聲仲有雪糕同咖啡☕️或檸水個人覺得性價比係好高不過上一次試荷李活道分店就更出色
再一次試呢間位於上環嘅關西壽喜燒
不過今次就試左歌賦街分店
呢間壽喜燒真好難book
好好彩經過店舖問店員最快幾時有位
剛巧有客人取消預訂所以第二日即刻食到
壽喜燒lunch set包左前菜、茶碗蒸、麵豉湯、蔬菜盤、A4近江和牛同甜品（$580)
今次是令頭盤係筍同海藻
個人就唔係太喜好
味道比較平凡少少
至於茶碗蒸係薑蓉櫻花蝦茶碗蒸
個人就覺得薑味太過突出
但蛋就做得好香滑
師傅依舊喺面前逐塊幫你燒牛
牛有兩款包括牛肉眼同牛肩肉
每塊牛都勁香
可惜嘅係今次燒得比較熟咗少少
做唔到入口即溶嘅效果
但就有好濃郁嘅焦香味
另外加左$100要左一份牛舌
薄得黎都好爽口
口感同味道都唔錯
因為配搭左唔同嘅蔬菜同菇
所以唔會覺得膩
最出色我覺得係件洋蔥🧅
真係燒得好香甜逐層逐層食好正
之後師傅仲會煮個滑蛋牛肉飯
真係超級滿足
而尾聲仲有雪糕同咖啡☕️或檸水
個人覺得性價比係好高
不過上一次試荷李活道分店就更出色
張貼
