新華苑酒家

營業中

休息中

行開旺角，又係同老公撐枱腳既時候喇。今日我地選擇左新華苑既蒸氣火鎬。好幸運既係我地比較早去，所以有幸可以坐到car位尼度既蒸氣火煱首先可以自選4款，我地選擇左桶蠔，鮑魚，聖子王，元貝。桶蠔好似手掌甘大，啖啖肉，分開2啖都未咬哂新鮮有蠔味。鮑魚好新鮮，蒸得岩岩好，非常彈牙，元貝同聖子王都蒸等恰到好處，而且上面有少少蒜蓉粉絲，好香。新鮮既海鮮果然用蒸既方式最好，原汁原味另外，會奉送乳鴿同大蜆，亦有多款食材選擇。不得不推介佢地個乳鴿，都係一試難忘，剛剛炸好，咬洛去，外面脆，入面多汁，而且連骨都差不多可以食埋。推介推介（要不停係甘講）此外，多款食材都唔錯，特別推介手打蝦丸。彈牙，有蝦味，一定要試。（如果大家去拎醬料，記得試下個xo醬，點食物更加一流）仲有，大家記住唔好食到太飽，忘記左主角，就係個粥喇，佢地有3款粥底選擇，我地選擇左搖柱准生養生粥，剛才海鮮既精華都集中係入面，粥亦煲到非常綿，清而帶點鮮香味。雖然好飽，都食左2碗另外，尼度任飲既飲品包括啤酒，當中包括朝日鍾意飲啤酒既朋友更加性價比高。每位都係300蚊炸食完就滿足甘抱住個肚番去喇。滿足的一餐。