焯記

營業中

休息中

放假周圍盪，去搵好嘢食，經過呢間焯記，佢招牌寫住豬扒雞翼，啱晒我呢個食肉獸，鋪外亦貼咗好多食物相，好吸引，就入去試一試入到店舖大約八成滿，坐位唔會大迫店員好親切，安排我坐咗一張四人枱，睇完餐牌就嗌咗以下嘅食物竹筍雞絲辣肉醬油麵 有翠綠爽口菜心，竹荀嫩口無渣，雞絲肉又滑又嫩，辣肉醬少少辣好有鮮豬肉味，係新鮮豬肉，油麵比較幼身，但都好滑，配少少辣肉醬，或者店鋪自家製櫻花蝦辣椒油一齊食，好惹味炸豬扒 好貼心，已經切開一件件方便進食，好大份，外皮薄炸得外脆內軟，好厚身又Juicy炸墨魚條 炸墨魚條外皮薄，炸得乾身外脆內軟，咬開見到裏便有蝦粒同粟米粒，墨魚肉彈牙，好鮮味炸雞翼炸到金黃香，大大隻脆卜卜，炸得乾身，但仍保持到有肉汁無骨鳳爪份量多，有少少辣，惹味爽口涼拌木耳 配上黑醋汁同蒜蓉，開胃可口黑芝麻豆漿 淡淡黑芝麻味嘅豆漿不太甜，正常發揮