鳥海山鐵板燒 (已搬遷) 新店位置

叫左大蝦二人餐 $648有沙律、麵豉湯、比目魚、大蝦、安格斯牛肉、炒野菜同炒飯。入座時餐廳唔算好多人，等左一陣就黎左沙律先。二人餐內容都算豐富，先黎左比目魚，香脆又好香牛油味。再黎大蝦一人一隻😋蝦頭有啲蝦膏，蝦都算大隻，師傅將一隻蝦分成3舊，一口一舊，入口調味唔太重，食到蝦既鮮味。牛肉燒到七成熟，剛剛好，咬落去唔會韌，配埋蒜片食好夾，如果再生多少少就更加好。炒椰菜好香牛油味，食落去都唔算太油。炒飯炒到好乾身，好香蛋味，而且落左好多櫻花蝦，令炒飯更香。午市去食，唔洗加一，而且有其他午市套餐可以揀。鐵板燒黎講絕對性價比算高。人均只係3、4百，值得一試。