影片
更多
2025-03-11
1086 瀏覽
近來屋企附近開左間西餐廳，今日無煮飯，就同老公去食吓晚飯。餐廳都幾多人，呢度係用QR code點餐，餐牌選擇多，晚餐套餐有餐包、餐湯及飲品，而價錢亦都相當平民價，真係幾抵。餐包及餐湯：蒜蓉包焗到脆脆，好香牛油味。紅湯係羅宋湯，充滿蕃茄、洋蔥同蔬菜鮮味，味道甜甜酸酸；白湯裡面就有好多蜆肉，口感creamy；兩款餐湯有好多配料。美國安格斯牛柳：賣相唔錯，點左5成熟，牛柳肉紅紅，口感較滑較腍，多肉汁，容易咬開，點埋黑椒汁會較滋味。伴菜有少量薯菜同跟左意粉，食完都幾飽。大滿貫海鮮濃蝦湯飯：龍蝦半隻分開上，而龍蝦鉗廚師亦已經幫客人整開個左，唔駛自己開，呢個要比個like! 龍蝦芝士味濃，入口食到芝士嘅焦香，旁邊仲有麻醬沙律菜。湯飯裡面有紅椒、黃椒同洋蔥等配菜，海鮮配料有青口、海蝦、帶子、蜆肉、墨魚仔同忛立貝，整體真係好豐富。濃蝦湯味道好鮮味，唔太鹹，份量多，幾好味。飲品：我就叫左杯紅豆冰 (+$16)，紅豆已煲腍，甜甜地，重奶味，幾好。老公就叫左凍咖啡，呢個係即磨咖啡，咖啡豆味香濃，好香醇。
餐廳都幾多人，呢度係用QR code點餐，餐牌選擇多，晚餐套餐有餐包、餐湯及飲品，而價錢亦都相當平民價，真係幾抵。
餐包及餐湯：蒜蓉包焗到脆脆，好香牛油味。紅湯係羅宋湯，充滿蕃茄、洋蔥同蔬菜鮮味，味道甜甜酸酸；白湯裡面就有好多蜆肉，口感creamy；兩款餐湯有好多配料。
美國安格斯牛柳：賣相唔錯，點左5成熟，牛柳肉紅紅，口感較滑較腍，多肉汁，容易咬開，點埋黑椒汁會較滋味。伴菜有少量薯菜同跟左意粉，食完都幾飽。
大滿貫海鮮濃蝦湯飯：龍蝦半隻分開上，而龍蝦鉗廚師亦已經幫客人整開個左，唔駛自己開，呢個要比個like! 龍蝦芝士味濃，入口食到芝士嘅焦香，旁邊仲有麻醬沙律菜。湯飯裡面有紅椒、黃椒同洋蔥等配菜，海鮮配料有青口、海蝦、帶子、蜆肉、墨魚仔同忛立貝，整體真係好豐富。濃蝦湯味道好鮮味，唔太鹹，份量多，幾好味。
飲品：我就叫左杯紅豆冰 (+$16)，紅豆已煲腍，甜甜地，重奶味，幾好。老公就叫左凍咖啡，呢個係即磨咖啡，咖啡豆味香濃，好香醇。
張貼
