善膳坊

營業中

休息中

用餐時間（7:44pm dinner）另一半話呢間素食值得推介，明明喺長沙灣站都要行15分鐘過去食。一坐低就上兩碗老火齋湯🥣 ；材料有眉豆、紅蘿蔔🥕 、南瓜 🎃 、粟米🌽 、花生🥜 、腰果等等。鮮甜無咩味精。叫咗碗胡椒豬肚湯$38，裏面有兩三種菇🍄 （白菇、雞髀菇）、豆腐、酸菜、素珠肚（爽脆口感似食緊豬肚）、胡椒味香濃，熱辣辣拎上枱，飲完成個人暖笠笠。♨️本身對碗素餃子擔擔麵 $59 冇咩期望，因為覺得唔會整得好食。點知又真係有驚喜！第一時間試一試啖擔擔面湯底，好好飲！食得出佢加咗花椒油同埋真係有落花生醬煮個湯底，好香。碗麵餸菜有蕃茄🍅 、椰菜花、花生碎🥜、素餃子🥟，素肉碎。好似喺上海店食緊擔擔麵咁，唯一美中不足就係佢用咗拉麵底。🍜個咖喱薯角素羊腩飯 $58正常發揮，個素羊腩🐑 走過油，配合薯仔、椰菜花、素羊腩，紅米飯，不過不失。餐廳氛圍少有素食餐廳有得打邊爐🍲‼️不過預返時間，因為佢早閂門。