點心到 (鴻星大廈)

營業中

休息中

油尖旺一帶出名多酒樓、點心鋪頭，新試呢間「點心到」位於油麻地站C出口斜對面，鬧市中心，平日繁忙時間排曬長隊。點心選擇唔算太多，一坐底就自動揀左飲咩茶，連壺上，唔似平時酒樓開咩壺茶。上菜速度偏慢，上完一碟先到另一碟，啱曬大家一邊打牙骹一邊等食。勝在價錢合理，多數$20～30幾一樣，正常價錢，份量適中，部分點心$20唔洗，都算糧尾飲茶之選。好在唔使收加一，性價比高，食物質素整體唔錯。甜品方面有特色榴連雪媚娘，中意食榴連嘅朋友一定唔好錯過～ 榴連味極濃，飲完茶以此作結真心唔錯，值得一試。