東京淺草炸雞專門店 (黃大仙中心南館)

營業中

休息中

夜晚黎到黃大仙中心，由於唔熟呢度，就周圍行下睇下有咩食。行過見到呢間日式炸雞幾平，就決定入去試下。我地叫左一個他他醬炸雞定食 ($49)同一個香炸雞翼及香脆雞肶肉定食($55)，埋單都係$100左右，好抵呀個人最欣賞他他醬炸雞，佢個醬酸酸地甜甜地，但唔太溜。炸雞亦炸到外脆肉軟，啲雞幾嫩滑，唔會炸到好乾。他他醬同個炸雞簡直係絕配，好好味！飯亦唔錯，係日本米，軟硬適中。麵豉湯就普普通通，冇乜特別。至於炸雞翼同雞肶，肉質同樣嫩滑，外脆內軟。呢款雞就配左蒜蓉汁同一個酸酸地嘅汁，雖然都唔錯，但都係配他他醬好味啲！