花火漁屋 (已結業)

平時食午飯都有經過呢間日本餐廳🎌，睇唔出入面咁大，今次一於放工試下佢🫰🏼同同事一齊叫左個二人餐$388，都好多嘢食下～前菜有青木瓜蟹籽沙律，超級多沙律醬😆 跟住係五點刺身盛，🐙個八爪魚刺身係超級大塊又厚😋啲刺身都算新鮮同厚切👏🏼抵食!刺身壽司有八件咁多，兩個人差啲都食唔晒👀款款味道都唔錯👍🏼🍢串燒就分別有五花腩、帶子煙肉、車厘茄串同埋竹輪露筍燒，個人最喜歡係帶子煙肉，帶子燒過好香，同煙肉好夾🥓 🧆小食叫咗個脆炸魷魚圈，熱辣辣上枱夠曬香口，又係切得大大粒～最後食埋個🐟燒鯖魚配烏冬作結，鯖魚燒得外脆内軟，肉質口感啱啱好🫰🏼個烏冬本身以為食唔曬，但一邊食魚一邊啜兩啖烏冬，好快就清埋🍜二人餐嚟講性價比算高👏🏼（好飽！