魚一壽司 (教育路)

營業中

休息中

今晚去元朗開聖誕派對，當然順路去元朗覓食一下，教育路都係元朗覓食重鎮，就決定行到邊食到邊。經過魚一壽司，見到午餐價錢都幾抵幾多選擇，就一於入去食午餐。開頭以為魚一壽司只得地下的吧枱位，原來佢還有一層閣樓，上到去樓底都唔矮，幾個人傾計仲覺得好有私隱。星期六下午都有午餐定食，當然仲可以單點，而且無論單點定午餐定食，價錢都好相宜。我們今次叫了兩個套餐加單點壽司。套餐包括前菜沙律、三文魚麵豉湯、主菜和甜品糯米糍，加$5仲有汽水。好新鮮的前菜沙律，酸咪咪好開胃。三文魚麵豉湯熱辣辣，入面仲有不少三文魚及蘿蔔。其中一個主菜是京葱拖羅蓉丼，拖羅蓉好香好濃好滑，將鵪鶉蛋放在飯內拌勻，更添香滑，配上的紫菜更可包著拖羅及飯食，好細心的設計。另一個主菜為蒲燒鰻魚飯，鰻魚厚身，入口軟綿綿，配上香甜鰻魚汁的飯，更添美味。甜品為冰凍糯米糍。另外，叫了幾件單點壽司，質素唔錯，價錢仲好抵。三文魚腩是厚切的，而且好長，味道好香濃；大拖羅是日本直送的，入口即溶無根；活赤貝是原隻的，好爽好脆；左口魚邊魚味香濃，回味無窮。