荷葉冰室

營業中

休息中

上次唔好嘅經歷，絕對冇打亂咗我對呢間舖頭嘅信心，今次再一次俾我一個特別嘅驚喜。行完街返去馬鞍山專登早幾個站落車就係想食多次佢個下午茶。可能成日都冇食過嘢，所以今次嗌得豐富啲。個沙嗲牛肉轉左河粉，另外加咗$5要吉列豬扒。最驚喜嘅係我發現佢個落單app熱飲裏便竟然有檸啡，以前讀書嘅時候喺大排檔成日飲，估唔到佢竟然將檸啡納入常規嘅熱飲裏面。佢杯啡一啲都唔孤寒，俾咗勁多片檸檬。同埋個沙嗲牛肉河粉，啲河粉超大碗，剛好成日咩都冇食，呢個份量直頭爆都可以唔使食晚飯。個吉列豬扒就有少少失望，失望在於搏咗少少，但係處理得幾好好在外邊炸得夠脆，裏便肉汁仲係好飽滿。今次切切實實相當滿足。