影片
更多
2020-12-17
1450 瀏覽
近十年八年都係幾間太平館嘅常客。而我同老公就偏愛到中環店，除咗比較就腳外，也比較喜歡這分店嘅間局，比較舒適。員工方面：佢地偏好聘請大叔們，亦係佢地特色。好多時就聽人講佢地無乜禮貌，但其實佢地傾起上嚟好nice㗎，只係佢地真係無高級餐廳嘅服務禮儀，真係大叔性格，當然經理們會好啲啦～食方面：平時都係食晚餐多，上個月偶意食到佢個下午茶，真心好食又抵食。今次係特登就到啱啱2:30再去食下午茶。當然我無試混佢所有菜色，同時因為上次佢個其貌不揚嘅焗豬扒飯吸引再番兜都無試新嘢。今次都係叫4款下午茶組合，我就揀西多士同焗豬扒意，而老公就焗豬扒飯同焗豬扒意🤪🐷先講佢個汁，唔好見佢咁深色，佢唔係一般現成茄醬汁，唔濃唔淡撈飯撈意粉味道適中。豬扒係吉列豬扒，上檯仍脆口，豬扒有豬味唔會乾柴柴。如果叫飯，佢係炒低偶意有蛋香。而叫意粉就係舊式茄汁意粉，唔係 al dente果種，但又唔係爛爛又易斷果啲，好好食。🍞西多士上次都有叫，簡單形容-外脆內軟，蛋味同花生醬味都夠。以上嘅焗豬扒飯、焗豬扒意同西多士最緊要係夠熱辣辣上檯，果日天氣開始涼涼地一流。☕️好啦，最後講埋我每次都會叫嘅熱檸茶，我最鍾意佢唔係得個澀字，係有茶香
員工方面：
佢地偏好聘請大叔們，亦係佢地特色。好多時就聽人講佢地無乜禮貌，但其實佢地傾起上嚟好nice㗎，只係佢地真係無高級餐廳嘅服務禮儀，真係大叔性格，當然經理們會好啲啦～
食方面：
平時都係食晚餐多，上個月偶意食到佢個下午茶，
真心好食又抵食。今次係特登就到啱啱2:30再去食下午茶。
當然我無試混佢所有菜色，同時因為上次佢個其貌不揚嘅焗豬扒飯吸引再番兜都無試新嘢。
今次都係叫4款下午茶組合，我就揀西多士同焗豬扒意，而老公就焗豬扒飯同焗豬扒意🤪
🐷先講佢個汁，唔好見佢咁深色，佢唔係一般現成茄醬汁，唔濃唔淡撈飯撈意粉味道適中。豬扒係吉列豬扒，上檯仍脆口，豬扒有豬味唔會乾柴柴。
如果叫飯，佢係炒低偶意有蛋香。而叫意粉就係舊式茄汁意粉，唔係 al dente果種，但又唔係爛爛又易斷果啲，好好食。
焗豬扒飯、焗豬扒意
56 瀏覽
1 讚好
0 留言
🍞西多士上次都有叫，簡單形容-外脆內軟，蛋味同花生醬味都夠。
迷你西多士
46 瀏覽
0 讚好
0 留言
以上嘅焗豬扒飯、焗豬扒意同西多士最緊要係夠熱辣辣上檯，果日天氣開始涼涼地一流。
☕️好啦，最後講埋我每次都會叫嘅熱檸茶，我最鍾意佢唔係得個澀字，係有茶香，如果嫌茶記太濃但又鍾意飲檸茶嘅可以試下♥️ 而老公就愛飲佢個凍奶茶。
熱檸茶
17 瀏覽
0 讚好
0 留言
🍌🥗後補講埋上次下午茶仲叫過香蕉斑戟都可以的，蝦沙律就中規中矩。諗唔到叫乜都可以叫下。
張貼
