影片
更多
2023-01-27
3560 瀏覽
呢間餐廳確實性價比超高!食完一定覺得好滿足!服務好上菜速度快由於全場爆滿,雖然有D嘈,但地方夠闊落~每上到刺身船,火鍋海鮮等每枱歡呼聲都此起彼落～大家飲飽食醉,成場氣氛都好好🎉好歡樂第一步。首先由小食開始已經可以任點 : 水煮魚/蝦多士/皮蛋酸薑/螺肉/紅糖糍粑等全部絕不馬虎真材實料,有餐廳中上質素👍🏻炸物新鮮炸起,松露蝦多士香口蝦膠爽彈.紅糖糍粑糯米糰軟熟,暖笠笠外脆內軟…我哋嗌咗幾轉蝦多士,水煮魚同紅糖糍粑🤭估唔到任食嘅小食都咁出色!第二步。當食完小食店員就會主動提前詢問再上刺身.六人以上就會送上刺身船🤩🤩未試過刺身船會由兩個店員一頭一尾捧住上,非常巨大,非常吸睛🤩🤩有帶子/三文魚/油甘魚/八爪魚/甜蝦/鮑魚等,全部都算新鮮份量亦巨多.雖然只限一轉～已經好夠～第三步。食完刺身船再上雞煲亦係任點的～由於有小朋友我哋選擇原味,正常發揮未去到極度惹味.雞煲裏面仲加上豬皮蜆仔下次要試試辣味～第四步。再嚟打邊爐,建議先訂定家嫂花膠老火湯鍋.因為限量供應!我地食頭3 part都食左1個多小時所以之後花膠湯底都冇晒🥲只好揀清香椰子湯底,椰子味香濃感覺滋潤然後大家又嘩嘩聲咁好興奮😆因為又送上一大盤
服務好上菜速度快
由於全場爆滿,雖然有D嘈,但地方夠闊落~
每上到刺身船,火鍋海鮮等每枱歡呼聲都此起彼落～大家飲飽食醉,成場氣氛都好好🎉好歡樂
第一步。首先由小食開始已經可以任點 :
水煮魚/蝦多士/皮蛋酸薑/螺肉/紅糖糍粑等
全部絕不馬虎真材實料,有餐廳中上質素👍🏻
炸物新鮮炸起,松露蝦多士香口蝦膠爽彈.紅糖糍粑糯米糰軟熟,暖笠笠外脆內軟…
我哋嗌咗幾轉蝦多士,水煮魚同紅糖糍粑🤭
估唔到任食嘅小食都咁出色!
第二步。當食完小食店員就會主動提前詢問再上刺身.六人以上就會送上刺身船🤩🤩未試過刺身船會由兩個店員一頭一尾捧住上,非常巨大,非常吸睛🤩🤩
有帶子/三文魚/油甘魚/八爪魚/甜蝦/鮑魚等,全部都算新鮮份量亦巨多.雖然只限一轉～已經好夠～
第三步。食完刺身船再上雞煲亦係任點的～由於有小朋友我哋選擇原味,正常發揮未去到極度惹味.雞煲裏面仲加上豬皮蜆仔下次要試試辣味～
第四步。再嚟打邊爐,建議先訂定家嫂花膠老火湯鍋.因為限量供應!我地食頭3 part都食左1個多小時所以之後花膠湯底都冇晒🥲
只好揀清香椰子湯底,椰子味香濃感覺滋潤
然後大家又嘩嘩聲咁好興奮😆因為又送上一大盤海鮮同肥牛!😱😱海鮮同樣任食鮑魚\生蠔\珊瑚蚌\鮮蝦\大蜆⋯無限追加!!
肥牛正常質素,海鮮亦新鮮,蟹亦有蟹膏,略嫌大蜆比較多沙,丸類似手打但質感比較散同林,一般般～其他都好唔錯
四步曲完咗都已經超飽但總不能放過甜點～
甜品只有雪條選擇.呢個牌子比較偏門,開頭都有D驚唔好食但隨着試咗椰汁黑糯米味後就覺得非一般😋同枱朋友都大讚榴槤都唔錯～
飲品選擇非常多有水果養生茶,可口可樂仲要係500 mL樽裝.鍾意飲酒嘅免費紅白酒有四轉!!
任飲酒類易入口唔會太搶喉.
咁嘅價錢同質素已經超出預期～🤩👍🏻👍🏻
張貼
