千葉鳥

營業中

休息中

相信住係天水圍區既朋友仔都應該食過千葉鳥🇯🇵一間充滿日式居酒屋裝修風格的餐廳，店舖位置寬敞，店舖好多私隱度高嘅卡位。之前都食過好幾次午市同下午茶，今次見晚市menu吾同左，即刻去試下夜晚有咩好食！宜家晚市menu更加豐富，有火鍋，串燒，壽司，定食😝好岩一班朋友，一路啤一啤，一路食嘢。今次叫咗啲串燒，壽司同埋一個炒飯！🍻串燒(燒粟米、鹽燒雞中翼、燒原條茄子配冬菇汁同拖羅雞肉)🍢燒粟米🌽燒得啱啱好，吾會太乾身，粟米甜甜香香🤤鹽燒雞中翼，開咗邊嘅雞翼方便食！雞皮燒得好香脆！燒原條茄子🍆同平時出邊串燒舖唔同，呢個係原條切件上的，燒完既茄子索滿啲醬汁，呢個幾出色🤭拖羅雞肉雞肉粒幾大粒同幾Juicy👀壽司🍣我哋嗌咗啲自己平時鍾意食嘅壽司，好欣賞呢度嘅火炙壽司可以自己選擇醬汁😗分別有四隻:辣汁燒、汁燒、鹽燒同沙律醬。今次嗌嘅火炙三文魚壽司同埋火炙左口魚背壽司都燒得好有油香🤩而其他壽司食材都幾新鮮，馬刀貝壽司都很不錯！鵝肝海鮮炒飯🍛完全係個名已經好吸引，上碟見到嚿鵝肝都唔細，仲要其他海鮮粒都幾多😝炒飯食落去粒粒分明，有蛋香味，配料同埋個飯都好夾，完全係邪惡之選！下次決定約多班朋友上去，試埋個火鍋先！🤩