千葉鳥

營業中

休息中

天朗氣清去完天水圍濕地公園，搵到附近有間日本居酒屋試下佢 。餐廳環境舒適，放置好多日本酒及燈籠裝飾 ，牆上更有日本風既圖案 ，好有日本居酒屋feel 。坐低揀左個極上自選二人餐，因為有齊刺身、壽司及烏冬等，非常豐富 。大大粒雜錦魚生野菜沙律魚生都真係大大粒，而且咩都有d，包括有希靈魚、吞拿魚、三文魚等 ，食落好新鮮，再配埋佢地個酸酸甜甜既柚子汁，好味開胃 。刺身六品盛刺身同樣新鮮，牡丹蝦大大隻，三文魚吞拿魚都係大件厚切，另外仲有帶子同魷魚配紫蘇葉，味道特別 ，又可以驅寒暖胃。原味燒日本廣島蠔（4隻）日本廣島蠔算大隻同爽口，仲帶海水味 。燒沙白大蜆（6隻）沙白大蜆無沙，清甜爽口自選壽司8件三文魚壽司（2件）、芝士蟹籽壽司（2件）、油甘魚壽司（2件）及馬刀貝壽司（2件），刺身已經新鮮配壽司飯軟身，好想食多幾件😆牛肉火鍋（壽喜燒湯底）牛肉都有4/5 塊大大塊，窩底仲有大量蔬菜、羽衣甘藍、菇、豆腐、秋葵同粉絲非常足料。另外再跟埋烏冬同葛絲，葛絲食落有啲似薯粉質地，配埋壽喜燒湯底，非常掛汁 。二人餐仲包左2杯飲品/湯同甜品 。二人餐食物種類真係非常豐富，仲好飽添 。沙律及刺身類真係非常生鮮，係天