德美壽司

營業中

休息中

今日晏晝同家人去食德美壽司，平時都係食晚餐多，未試過午市時去食。一開始嗌咗個三文魚沙律，酸酸地，開胃。跟住嗌咗三文魚腩刺身，呢度六件$78 ，大件夾抵食。呢個係吞拿魚卷物，佢上面啲吞拿魚一啲都冇偷工減料，大大啖吞拿魚，鍾意食吞拿魚嘅朋友唔好錯過。雜錦天婦羅。呢度嘅天婦羅好出色，唔似出邊一啲餐廳咁多炸粉，而且用料新鮮。最後家人想食多少少，但又唔想食一個壽司set咁多，所以就叫咗個午市定食，呢度有主菜、茶碗蒸、麵豉湯、同埋甜品，夾埋都係$102 ，午市仲唔使+1。*除午市定食外，其他都係main Menu食物，需加一。