雞蛋屋

營業中

休息中

星期日晚經過旺角突然間想起呢間餐廳，一於去醫下肚先。可能由於疫情關係，得三枱客，坐得好舒服。座位已梳化為主，枱唔會放得好迫所以適合同朋友嚟傾偈，有三張大枱可以望到街景。啲職員好有禮貌，響門口幫客人用消毒劑消毒衣服。我叫咗個和風牛肉湯烏冬，味道唔錯，溫泉蛋處理得好好，湯底唔會太鹹啱曬我，分量好大，勁多牛肉，一個男仔絕對食得飽。雖然有其他食物但係因為我只得一個人所以未有機會試，下次會再嚟試，特別係鹽酥雞同埋各式各樣嘅多士。