越男仔

營業中

休息中

中午入到去發現成間餐廳嘅冷氣機都滴緊水，不過唔緊要，因為呢一日真係好想食越南野，是影都好好幫我安排一個冇受影響嘅座位。今次叫咗個下午茶滑雞河配菠蘿紅茶，湯底有少少椰子同雞味，個人略嫌比較鹹，配搭佢送嘅三種越南香料，分別有蒜蓉蝦油，辣椒同埋青檸，其實已經相當重口味，不過蒜蓉蝦油非常出色，所以都建議大家可以試吓。雞肉本體相當嫩滑，而且已經去晒骨，食落去相當舒服，成個套餐整體＄39加錢特飲另計，我覺得已經值回票價。