一家

營業中

休息中

呢間米芝蓮推介嘅上海菜館，食物嘅質素的確有保證，價錢亦都合理，裝修清雅，環境寧靜，令整個用餐體驗更加舒適。先講飲品，香茅檸檬薏米水清新解渴， 甜味只來自兩件糖冬瓜，入口順喉，好適合炎熱天氣。糖醋小排骨係經典上海菜，每一件排骨都有軟骨，食落啖啖肉又帶點煙韌，甜酸汁濃稠，每一口都好滋味。小籠包皮薄而不易破，肉汁豐富，咬落去爆汁，加埋嫩滑嘅餡料，相當高分。蔥油白切雞鮮嫩多汁，蔥油香氣濃郁，每一啖都有雞味的回香。最後嚟到甜品，棗泥拉糕煙煙靭靭，紅棗味道香濃，甜度適中，絕對係餐後必食之選！整體而言，呢間餐廳無論係食物質素、環境，定係性價比都非常出色，值得推介！