滿福樓

營業中

休息中

▪️▫️金絲脆腰果▫️▪️金絲即係芋頭切成絲然後炸，香脆不油膩，底下有我至愛脆腰果🥰加入蜜糖甜甜地，唔錯既小食👍🏻▫️▪️脆皮牛肋條配胡麻冰菜▪️▫️脆牛腩皮薄幾酥脆，好彩肉質唔乾，但亦唔係我心中最好味既脆腩😝配搭冷盤冰菜，勁爽脆清新，我幾鍾意❤️▪️▫️翡翠燒汁煎元貝皇▫️▪️印象中未食過咁大粒元貝😂面頭煎得好夠香口！！而裡面keep到好鮮嫩，火候控制得好好！加上有燒汁加持，成餐最鍾意就係佢😋▫️▪️豉油皇煎大虎蝦▪️▫️大虎蝦無改錯名，爽口彈牙，第一味係覺得好味既，然後就覺得好濃味好鹹🤭而且我唔識拆蝦殼，所以有啲論盡😅▪️▫️龍蝦肉崧泡烏冬▫️▪️真心覺得龍蝦湯唔濃郁，但好鍾意個烏冬🤩好滑而且唔會好硬，仲有啲肉碎菜碎增加口感，幾好味喎真係🥰▫️▪️香蜜蛋散、蛋撻仔▪️▫️已經唔多地方有蛋散😅食落好似馬仔，又脆又鬆化，蜜糖係晒底，所以墊底嘅蛋散會比較甜。蛋撻仔都暖暖地，細細件岩晒🤩