馬辣台式鴛鴦火鍋 (創興廣場)

營業中

休息中

好耐好耐冇去過台灣，好彩喺香港都有台式火鍋，叫做止止癮啦。火鍋湯底可以選擇一款或兩款咁，咁我哋就揀咗招牌嘅麻辣同埋蕃茄海鮮湯底，嘢食佢就分咗兩樣落單方式，肉類同海鮮就用QR code落單，而其他配料就自己喺出邊嘅大火車雪櫃自己拎，種類選擇非常非常多，淨係蔬菜多一個獨立雪櫃裝住。淨係牛肉都有4款選擇，質素亦相當高，海蝦好鮮甜，食完第一轉即刻叫多轉encore。火鍋配料分類擺放相當清楚，乾淨企理，店員補充食物速度相當之快，地方闊落坐得舒服。除左汽水飲品任飲之餘，仲有甜品櫃同埋雪糕櫃，種類亦非常之多，絕對係性價比非常高嘅任食火鍋。