影片
更多
2023-09-25
933 瀏覽
而家啲西餐要有食得高貴嘅感覺價錢有返咁上下，起碼每人800-1000以上冇得走雞，所以遇到一啲性價比高又唔失禮嘅會記住等有時間又食過咁，好似今次同太太慶祝生日就去食呢間。餐廳有幾家分店，呢間就我哋住嘅一區所以都幾方便，將軍澳站上蓋Popcorn商場，出閘上扶手電梯前後三分鐘就到。餐廳佈局優雅而唔浮跨，配上稍稍暗昏氣氛幾舒服。五百幾的二人餐之選，包兩個湯、一份前菜、兩個主菜、一份甜品，標準2人餐格局。餐湯是蘑菇忌廉，將食材打成蓉很有口感，味不錯，配塊小多士係最佳拍檔。煎封吞拿魚薄片，外表煎過同內在口感交錯，面頭粒粒黑椒碎粒味不濃卻恰到好處，有少少醋汁開胃醒神。澳洲肉眼扒要另加30元，medium 呢個程度好，肉不「嚡｣，色澤不會血色的紅，加醬汁是提升層次的食法。軟殼蟹意大利飯擺盤幾靚，原隻軟殼蟹放在飯上，鬆化但又未至於好脆口，一口而入即溶係軟殼蟹的特性，意大利飯每粒挺身煙韌，汁煮得杰身有黏口，唔錯。加錢叫的法國生蠔，略嫌size唔太大隻，不過勝在新鮮。壓軸甜品可麗餅，當然要畫龍點睛寫上生日祝福，可麗餅的餅皮幾薄身，甜甜地，將雪糕一齊放入口，口感特別，為晚飯劃上圓滿句號。今晚食物質素不錯，
餐廳有幾家分店，呢間就我哋住嘅一區所以都幾方便，將軍澳站上蓋Popcorn商場，出閘上扶手電梯前後三分鐘就到。餐廳佈局優雅而唔浮跨，配上稍稍暗昏氣氛幾舒服。
五百幾的二人餐之選，包兩個湯、
一份前菜、兩個主菜、一份甜品，標準2人餐格局。
餐湯是蘑菇忌廉，將食材打成蓉很有口感，味不錯，配塊小多士係最佳拍檔。
煎封吞拿魚薄片，外表煎過同內在口感交錯，面頭粒粒黑椒碎粒味不濃卻恰到好處，有少少醋汁開胃醒神。
澳洲肉眼扒
要另加30元，medium 呢個程度好，肉不「嚡｣，色澤不會血色的紅，加醬汁是提升層次的食法。
軟殼蟹意大利飯
擺盤幾靚，原隻軟殼蟹放在飯上，鬆化但又未至於好脆口，一口而入即溶係軟殼蟹的特性，意大利飯每粒挺身煙韌，汁煮得杰身有黏口，唔錯。
加錢叫的法國生蠔，略嫌size唔太大隻，不過勝在新鮮。
壓軸甜品可麗餅，當然要畫龍點睛寫上生日祝福，可麗餅的餅皮幾薄身，甜甜地，將雪糕一齊放入口，口感特別，為晚飯劃上圓滿句號。
今晚食物質素不錯，服務員的服務亦不錯，斟水執碟唔會慢，感覺周到，整體體驗好。
張貼
