極上帝王水產

營業中

休息中

旺角日式放題多到不得了，但計性價比，就真係要試下兆萬中心既極上帝王水產，食品種類多，質素仲要唔差。餐廳環境卡位為主，上菜速度超快，想食咩都係QR code落單，非常方便。刺身拼盤種類比一般既日式放題餐廳多，三文魚厚切鮮味，蝦刺身都有3款，鮮甜高質。另外揀左海膽刺身，一人可以揀一份，顏色鮮艷，味道濃郁。牛肉壽喜燒每枱可以揀選一款鍋物，我地揀左牛肉壽喜燒，職員好細心介紹煮法，燒汁甜味配上牛肉及蔬菜，吸哂啲汁勁好味。除左刺身外，壽司都幾高質，吞拿魚油潤，油甘魚鮮味，燒三文魚更係油脂爆發。炸物叫左芝士年糕，天婦羅蟹柳及天婦羅蝦，即叫即炸，炸得香脆。燒物牛舌及燒蝦非常推薦，燒得剛香，上枱時熱辣辣，到咁上下整返件燒菠蘿解解膩又可以再食過。最後甜品可以自己揀，揀左個魚仔紅豆雪糕批，軟硬適中，紅豆蓉同雪糕味道好夾。