桂花小幸 (元朗廣場)

營業中

休息中

番茄酥炸排骨米線$63湯底揀咗特濃番茄湯，果然好濃郁，酸味更突出，非常開胃，天時暑熱冇乜胃口就啱晒。米線都好滑，爽口彈牙。酥炸排骨外皮金黃酥脆又唔油膩，肉質有嚼口，味道適中，蘸千島醬食酸酸甜甜味道更佳。酥炸排骨滷肉飯$59台灣美食又點少得滷肉飯，珍珠米飯軟糯，滷肉又香又惹味，滷肉汁撈飯食一流。酥炸排骨好食，食極唔厭。台灣烤香腸$28幾乎係必食小食之一，外皮脆，肉質香甜可口。古早味滷水牛肚$38牛肚煙韌爽口，滷水汁惹味，如果係辣嘅應該更好味。脆脆阿華田$32上面係一層朱古力脆脆同奶，下面係阿華田，揀咗無糖，味道都幾香。黑糖珍珠奶茶$32已經揀咗半糖，但黑糖味依然香甜，珍珠大粒Q彈。