蠔站 (荃新天地)

營業中

休息中

一直都好鍾意食呢間蠔站，因為佢嘅生蠔真係好平，今日咁啱約咗朋友去荃灣，咁就叫埋佢一齊食啦。一坐低就忍唔住叫咗一打生蠔，估唔到佢想得咁快，同朋友忍唔住未叫嘢食就已經食咗三四隻。生蠔食落好新鮮，仲有啲海水味，而且雖然唔係好大隻，但係肉質爽脆，非常新鮮。另外我哋就叫咗個超級海鮮薄餅，一上枱已經見到好多海鮮，而且芝士味好濃，薄餅上面嘅蝦肉都好新鮮彈牙，估唔到一間蠔吧嘅薄餅都咁出色朋友介紹話呢個炭燒美國頂級肉眼好好食，咁我哋就叫咗個五成熟啦。佢嘅份量好多，而且煮嘅時間啱啱好，牛肉味好濃，食落唔會有筋，真係非常出色。呢間蠔吧又平又抵食，而且食材好新鮮，份量都好多，非常適合朋友聚會或者約會呀。