十年

營業中

休息中

之前舊店都去過一次，印象不錯。而家大間咗，每次週末假期午市經過都見到有人排隊，午餐一般意粉都係$60包是日餐湯及飲品，價錢公道，所以又試吓。牛肝菌雜菌忌廉意粉 $60忌廉味算濃同香滑，雜菌數量不算很多，味道OK。封門柳黑椒汁意粉 $60黑椒汁意粉比較少見，仲要配封門柳，所以就叫咗。黑椒汁剛好，唔會太辣，亦唔會蓋過牛肉味道。封門柳火喉也剛好，肉質結實有汁，不難咬開。是日餐湯係紫薯忌廉湯，有紫薯嘅香甜，湯嘅厚度適中，口感都順滑。飲品方面，我哋揀咗汽水可樂及熱柚子蜂蜜，可樂係原罐上，柚子蜂蜜唔會好甜。總體嚟講，呢個質素對得住呢個價錢，想經濟啲食西餐，我會再嚟呢度。