十年

午餐$60起🤩 每次午飯時間中，門口都有人等位🤔咁受歡喜的一間店🤔 趁今日過咗午餐時間唔洗等位就一試究竟😋 店內簡約裝修，灰色牆黑色枱型格水泥風，坐位夠大夠舒服😊 過了午餐時間感覺好寫意，店員有禮貌很周到😊午餐$60起包餐湯，主菜及飲品，涷飲不另加錢🤩 紫薯忌廉湯，一送上枱已好香紫薯味，口感綿密入口順滑😋BBQ 醬烤豬脾仔配薯條$70, 係4枝豬仔脾😳 醬汁好濃厚,肉質不鞋口。 粗薯條即炸熱辣辣😋如果可以轉沙律菜會更平衡🤪吉列蝦中東卷配旋風薯片$60旋風薯片有點似薯角這是一片片的，外層帶點咸香味😋中東卷中間沙律菜包住吉列蝦，好味得嚟感覺清新不膩😋質素不錯，性價比高，可以有下次😊…查看更多

本來諗住去嗰間餐廳，點知放特別假！臨時轉軚去十年，本來都想嚟試㗎啦，咁今次就試佢先啦！舊舖有去過，不過冇幫襯、因為當時個Menu唔係太啱食，而且嗰度好細得幾張枱，lunch通常都有人等，而且唔係太好坐。而家依度大咗好多，坐得幾舒服，Menu多咗啲嘢食，可以QR code落單，叫咗豬仔髀$70冇加一，包湯包嘢飲，今日粟米湯味道都唔錯，豬仔髀有四件夠份量，肉質唔硬唔乾好味道，薯條夠熱夠脆，但如果可以轉沙律就仲好，再叫咗追加小食，$6件價錢唔貴可以逐件叫幾好，飲品我要咗橙汁，正正常常冇乜特別要求，全部都熱辣辣幾好味會再去。…查看更多

之前舊店都去過一次，印象不錯。而家大間咗，每次週末假期午市經過都見到有人排隊，午餐一般意粉都係$60包是日餐湯及飲品，價錢公道，所以又試吓。牛肝菌雜菌忌廉意粉 $60忌廉味算濃同香滑，雜菌數量不算很多，味道OK。封門柳黑椒汁意粉 $60黑椒汁意粉比較少見，仲要配封門柳，所以就叫咗。黑椒汁剛好，唔會太辣，亦唔會蓋過牛肉味道。封門柳火喉也剛好，肉質結實有汁，不難咬開。是日餐湯係紫薯忌廉湯，有紫薯嘅香甜，湯嘅厚度適中，口感都順滑。飲品方面，我哋揀咗汽水可樂及熱柚子蜂蜜，可樂係原罐上，柚子蜂蜜唔會好甜。總體嚟講，呢個質素對得住呢個價錢，想經濟啲食西餐，我會再嚟呢度。…查看更多

最近同朋友踩單車，由大埔出發去屯門，元朗正好係中途站，梗係要停低歎個晏先啦！🌞無意中發現一間新開嘅餐廳——「十年」，主打高性價比西餐，睇餐牌已經覺得幾吸引，當然要試吓啦！😋 🔻封門柳黑椒汁意粉呢道菜真係超出預期，封門柳嘅肉質鬆軟到位，完全冇過熟變韌，牛味濃郁，真係好滿足！🥩 黑椒汁濃郁得嚟唔會搶味，配埋意粉嘅口感同封門柳嘅肉汁，真係一個字：正！💯 ⭐️評分：4/5 🔻蒲燒鰻魚意大利飯雖然唔係頂級鰻魚，但呢個價位嚟講，已經值得一試。🍚意大利飯做咗改良，偏向香港人口味，整得較為腍身，食起嚟更有親切感。🐟 ⭐️評分：3.5/5 🔻BBQ醬烤豬仔脾配薯條豬仔脾略嫌醃製時間唔夠，味道尚算可以接受，但薯條真係驚喜！波浪薯條係現叫現炸，脆卜卜又熱辣辣，鹽味啱啱好，絕對係加分位！🍖🍟 ⭐️評分：3.5/5 午餐仲包餐湯同飲品，凍飲唔使加錢，仲有特飲「袖子蜜」揀，抵食！雖然特飲選擇唔算多，但以價位嚟講，已經非常滿意。🥤🍵 😋食物：3.5/5🍽️環境：4/5💰性價比：5/5👣回頭率：4/5⁡整體評分：4/5 #元朗美食 #元朗餐廳推介 #foodie #FoodieLife #DiningExperience #香港美食…查看更多

好美味嘅卡邦尼意粉價錢非常相宜，包有湯有凍飲我加多份薯條非常好味又脆上年舊鋪已經食過……搬左過來地方大啲坐得舒服啲，但價錢仲好似平過過以前今時今日$60個午餐只能食快餐店但呢度有甘高質素真係好抵食喎！…查看更多