新南苑私房菜火鍋鷄煲 (海德中心) (已結業)

係港島區想食雞煲，同事首選一定係新南苑私房菜火鍋雞煲，每次黎到都會比佢個大魚缸吸引住！前菜除左有漬物，仲有避風塘鮑魚每人一隻，好正。先來雞煲，呢到既雞煲係先炒到雞件乾身，再落油炸鬼粒，油炸鬼吸左雞味勁惹味，雞煲任食，原煲上，不會交行貨！👍食完個雞煲會換過湯底俾你打邊爐！今次點了芫荽椰皇花膠湯，湯底十分鮮甜！每枱一盤手切牛肉和海鮮拼盤，牛肉脂肪平均，牛味幾重，靚牛輕輕淥幾秒就食得！重本海鮮拼盤，有蟶子皇、新鮮活捉龍蝦，生蝦等。。。人均三百元既火鍋放題可以提供新鮮海鮮，真係好難得！基本上食晒餐廳提供嘅食物已經好夠飽，另外仲有好多配料可以任叫！另外有多款飲品任飲，最尾仲有甜品送！平日都爆曬棚，今晚好在有訂位，如果唔係就要等一下啦！