影片
更多
2022-11-25
209 瀏覽
呢間係真係要宣揚的一間OMAKASE=]覺得誇張的話就自己去試下先啦~真心我覺得性價比好高, 我自己就有係中環灣仔銅鑼灣唔同區都有食過!!本身比較鐘意食~但係呢間係我會不停KEEP住食的一間OMAKASE!!DINNER同LUNCH都食過~ 各有不同..佢的MENU款式同內容黎講真係物超所值呀!!而師父都真係睇得出係好有心機的!!!!食完係會想期待下一次再黎食~如果要用形容..我會形容成我鐘意每款刺身/壽司你都會食到唔同的味道~係本身鮮味加埋呈現的方式同有D油分重的魚油味都唔同..你唔會只係覺得自己食緊"魚生"一大GROUP生的刺身感覺!!我就揀左$780的餐..佢有埋生蠔...係好鮮甜好味的生蠔呀!!仲要係有名有牌子的生蠔呀咁岩個日..係呢家都幾出名的"令和之怪物"!!!!!!!!!!!!!!!!!!!!而呢個餐手卷係三色手卷!!好開心架!!!真心覺得好值得呀!!!試過其他地方食成$1000蚊的LUNCH OMAKASE真係..同呢度冇得比!!!比大家睇下我個日食左咩先~好野真係要分享!!!!!!!!赤鱲魚 - with 紫蘇花柚子酸汁北海道獅魚 - 油香好正, 口感好特別, 爽爽地
覺得誇張的話就自己去試下先啦~
真心我覺得性價比好高, 我自己就有係中環灣仔銅鑼灣唔同區都有食過!!
本身比較鐘意食~但係呢間係我會不停KEEP住食的一間OMAKASE!!
DINNER同LUNCH都食過~ 各有不同..
佢的MENU款式同內容黎講真係物超所值呀!!
而師父都真係睇得出係好有心機的!!!!
食完係會想期待下一次再黎食~
如果要用形容..我會形容成我鐘意每款刺身/壽司你都會食到唔同的味道~
係本身鮮味加埋呈現的方式同有D油分重的魚油味都唔同..
你唔會只係覺得自己食緊"魚生"一大GROUP生的刺身感覺!!
我就揀左$780的餐..佢有埋生蠔...係好鮮甜好味的生蠔呀!!
仲要係有名有牌子的生蠔呀咁岩個日..
係呢家都幾出名的"令和之怪物"!!!!!!!!!!!!!!!!!!!!
而呢個餐手卷係三色手卷!!好開心架!!!真心覺得好值得呀!!!
試過其他地方食成$1000蚊的LUNCH OMAKASE真係..
同呢度冇得比!!!
比大家睇下我個日食左咩先~
好野真係要分享!!!!!!!!
赤鱲魚 - with 紫蘇花柚子酸汁
北海道獅魚 - 油香好正, 口感好特別, 爽爽地, 香味會留o係口度=]
秋刀魚 - 秋刀魚SEASON!!勁正!! 配上九州博多薑蔥, 魚的鮮味更提升!! 佢有好獨特的油甘香!!師傅仲整左秋刀魚兩食!!正!!
新鮮的北寄貝 - 唔同平時我地見到個D架, 好爽口, 同埋陣陣海水的味=]本身鐘意食貝類的我真係好開心!!佢配青檸汁少少, 再突出佢的鮮味!!
好得意架, 師傅會拍一拍佢, 佢會郁架(意思係佢神經收縮)!!!
熟食方面就有鮟鱇魚..我個人覺得好特別..職員有介紹佢地係自己師傅劏因為識劏呢個魚的人唔係好多!!同埋佢地係成條原整的處理!!!黑色係魚皮, 配娃娃菜同大蔥!!!仲有當然個湯係熱辣辣的魚湯!!
好開心有呢個熱食呀!!鮟鱇魚肝成日聽..好似第一次食鮟鱇魚!!!!!!=]好有心的熱食!!
好多相好多款想放上黎但係數量限制左, 中間仲有磯邊燒帶子, 用薑蔥鼓油燒到半生燒再用紫菜包埋食=]
之後就食左呢個..勁勁勁勁勁鐘意的一款..係銀鱈魚呀!!!!!!!!!!!!!!!!!!!!!好正呀佢個口感好特別係我無諗過的!!魚味好特別..食落去唔係油份好重但係超濃的魚味!!
仲係配上自家制的鰻魚汁黎燒架!!!!!!!!!!
呢個係長崎縣的大拖 - 睇個樣都知係入口即溶呢!!佢薄切左再加埋比我!!食落個層次會多D!!
醬油漬中拖 - 我自己好鐘意呢個, 佢唔係入口即溶FEEL但係佢係超濃味的拖羅!!!我就鐘意佢多過大拖!!可能感覺冇咁肥HAHA!!
呢個又係一個出色而每次都會期待的壽司!牡丹蝦壽司..但係佢會將D膏燒返放返上去..所以層次多仲有好香的蝦味~
真心之前冇諗過鯖魚係可以生生地食的!我鐘意食魚所以呢個好岩我, 因為佢又係超濃魚香, 加上燒香左個皮位, 又係另一風味!!!佢係長崎縣鯖魚, 用醋醃過的!!
馬糞海膽 - 海膽控的我表示好開心!!鮮甜的海膽!!!!
筋子 - 真心唔係一般的筋子!!師傅話佢係自己調過味, 所以較甜身, 仲有柚子香架!!好好食!!!打完食評之後發覺我真係有記得師傅同職員的介紹..哈哈可能覺得食OMAKASE有時認真聽下佢地講野係要GE~
之後仲有湯仲有雪糕~總之食完之後..真係DINNER都唔洗食太多~
好耐冇咁認真打食評, 就係無啦啦食完好有動力將好食的野分享=]
題外話/補充資料：
廁所好乾淨!哈哈~
(以上食評乃用戶個人意見 , 並不代表OpenRice之觀點。)
張貼
