影片
更多
2020-03-20
239 瀏覽
都聽聞元朗有好多好嘢食，平時甚少出元朗，難得今日一定要試下有啲乜嘢出名！呢間日式餐廳門面非常之靚，有一棵櫻花樹，好吸睛！入到餐廳侍應就用酒席幫我地消毒雙手，都幾乾淨衛生，餐廳設計亦都簡單舒適。睇完餐牌，覺得呢間餐廳嘅價錢都唔錯！清酒煮蜆清酒味都幾濃，我平時都好鍾意飲埋啲湯，呢個湯都吸引到我飲多幾啖。本來以為啲蜆係細細隻，原來都幾大隻同埋啖啖肉，而且仲有一啲粉絲，煙煙韌韌。壽司拼盤擺設非常吸引，打卡一流。如果出面食嘅話可能一個咁嘅拼盤都要三百幾蚊，所以呢度係非常之抵食。卷物刺身貝類蟹棒都有，一次過滿足晒你所有願望。我最鍾意就係蟹棒壽司，因為佢個蟹棒係大條到要分開三啖先食得晒！！帆立貝串一碟有兩串，共四粒，食落去都幾新鮮冇雪味，而且燒得啱啱好。帆立貝下邊仲有啲沙律菜，都幾新鮮好味㗎！酥炸雞軟骨呢一碟真係性價比極高，$20就有一碟雞軟骨，配上五香粉，真係絕對值得食！燒三文魚頭有半個魚頭同埋一片魚棋，而且旁邊都有沙律菜，可以減低魚嘅油膩感。燒過嘅三文魚又好香！加啲檸檬汁味道更佳！奇異果活乳酸覺得士多啤梨味同芒果味太普通？奇異果都係一個唔錯嘅選擇，沙冰嘅質感，啱晒大人細路。呢間餐廳無論係食物定係
都聽聞元朗有好多好嘢食，平時甚少出元朗，難得今日一定要試下有啲乜嘢出名！呢間日式餐廳門面非常之靚，有一棵櫻花樹，好吸睛！
入到餐廳侍應就用酒席幫我地消毒雙手，都幾乾淨衛生，餐廳設計亦都簡單舒適。睇完餐牌，覺得呢間餐廳嘅價錢都唔錯！
清酒煮蜆
清酒味都幾濃，我平時都好鍾意飲埋啲湯，呢個湯都吸引到我飲多幾啖。本來以為啲蜆係細細隻，原來都幾大隻同埋啖啖肉，而且仲有一啲粉絲，煙煙韌韌。
壽司拼盤
擺設非常吸引，打卡一流。如果出面食嘅話可能一個咁嘅拼盤都要三百幾蚊，所以呢度係非常之抵食。卷物刺身貝類蟹棒都有，一次過滿足晒你所有願望。我最鍾意就係蟹棒壽司，因為佢個蟹棒係大條到要分開三啖先食得晒！！
帆立貝串
一碟有兩串，共四粒，食落去都幾新鮮冇雪味，而且燒得啱啱好。帆立貝下邊仲有啲沙律菜，都幾新鮮好味㗎！
酥炸雞軟骨
呢一碟真係性價比極高，$20就有一碟雞軟骨，配上五香粉，真係絕對值得食！
燒三文魚頭
有半個魚頭同埋一片魚棋，而且旁邊都有沙律菜，可以減低魚嘅油膩感。燒過嘅三文魚又好香！加啲檸檬汁味道更佳！
奇異果活乳酸
覺得士多啤梨味同芒果味太普通？奇異果都係一個唔錯嘅選擇，沙冰嘅質感，啱晒大人細路。
呢間餐廳無論係食物定係服務質素都幾好，下次再過嚟元朗諗唔到食咩都可以再食！
張貼
