韓燒大叔

營業中

休息中

上星期五晚同兩個朋友去食，自助區地方很細，食物選擇不多，飲品方面：只有一部汽水機、柚子蜜，仲有啲熱飲，如果想飲其他飲品，就要加錢。食物方面：肉類質素一般，不是高質，選擇也不多。另外，我哋想食海鮮要額外加$88一位。海鮮原來係刺身。如果想食醬油蟹要另外再加錢。服務質素：一個字好差。首先，我哋想要多一個鉗。搵唔到服務員，我朋友自己攞，之後服務員見到，佢打開個櫃時，大力閂埋 ‘彭‘一聲，態度極差。然後問佢攞牙籤，三個人只比兩支牙籤。再問佢攞。我哋食兩個鐘任食，喺仲有15分鐘時間。佢提醒我哋，但係我哋張枱仲有啲嘢食未燒，一夠鐘立即要走。坐多1分鐘都唔得，佢仲同我哋講，食唔晒啲嘢唔會罰錢。重點係出面無人等位。唔會再有下一次幫襯。