影片
更多
2021-07-02
220 瀏覽
偶然經過大圍，同朋友沿住小路一直行，唔經唔覺黎到左熟食亭嘅金凱小廚。入面光線充足明亮，用餐範圍都頗大，而我地一行入去就受到非常熱情嘅招呼。我地坐低之後就order左個198蚊免加一嘅雞煲串燒+火鍋放題套餐。串燒可以揀8串，而雞煲嘅份量，兩個人食都可以話係只多唔少。員工好貼心咁提醒我地可以一路食一路翻炒，仲用板圍住周圍。啲雞件非常新鮮，係好有咬口嘅口感，一啲都唔鞋，入口啖啖肉令人感覺真係好滿足。麻辣嘅湯汁完全被雞肉鎖住左，令人食完唇齒留香，想一再嘗試。每一啖都覺得好夠味同足料，兩個人食份量真係好多。跟住講下佢哋嘅串燒，我認為呢個價錢嘅串燒作為bonus，不得不說真係有驚喜。海鮮方面，我地揀左蒜蓉牛油燒扇貝、蒜蓉燒生蠔，肉類就揀左香草羊架、安格斯牛粒串同墨魚丸，菜揀左娃娃菜。串燒嘅蒜蓉落得好足，整體而言所有串燒都好夠味。如果鐘意食羊，一定要嗌燒羊架，佢個羊架肉除左好新鮮飽滿，軟硬適中之餘，仲會食到好多筋肉相連嘅位，配搭孜然嘅使用，同時又有好濃郁嘅羊羶味，鍾意食羊嘅人絕對唔可以錯過。而安格斯牛串都非常高質，肉唔會燒到好老，有陣濃郁肉香之餘又可以feel到口中滿滿嘅肉汁。娃娃菜亦口感清新飽滿，
同朋友沿住小路一直行，
唔經唔覺黎到左熟食亭嘅金凱小廚。
入面光線充足明亮，
用餐範圍都頗大，
而我地一行入去就受到非常熱情嘅招呼。
我地坐低之後就order左個198蚊免加一嘅雞煲串燒+火鍋放題套餐。
串燒可以揀8串，
而雞煲嘅份量，
兩個人食都可以話係只多唔少。
員工好貼心咁提醒我地可以一路食一路翻炒，
仲用板圍住周圍。
啲雞件非常新鮮，
係好有咬口嘅口感，
一啲都唔鞋，
入口啖啖肉令人感覺真係好滿足。
麻辣嘅湯汁完全被雞肉鎖住左，
令人食完唇齒留香，
想一再嘗試。
每一啖都覺得好夠味同足料，
兩個人食份量真係好多。
跟住講下佢哋嘅串燒，
我認為呢個價錢嘅串燒作為bonus，
不得不說真係有驚喜。
海鮮方面，
我地揀左蒜蓉牛油燒扇貝、
蒜蓉燒生蠔，
肉類就揀左香草羊架、
安格斯牛粒串同墨魚丸，
菜揀左娃娃菜。
串燒嘅蒜蓉落得好足，
整體而言所有串燒都好夠味。
如果鐘意食羊，
一定要嗌燒羊架，
佢個羊架肉除左好新鮮飽滿，
軟硬適中之餘，
仲會食到好多筋肉相連嘅位，
配搭孜然嘅使用，
同時又有好濃郁嘅羊羶味，
鍾意食羊嘅人絕對唔可以錯過。
而安格斯牛串都非常高質，
肉唔會燒到好老，
有陣濃郁肉香之餘又可以feel到口中滿滿嘅肉汁。
娃娃菜亦口感清新飽滿，
好適合食肉之餘放啲菜落肚清下腸胃。
到左重頭戲打邊爐環節，
湯底我地order左比較養生暖身胡椒豬肚雞湯，
湯底真係好濃郁，
口感唔會太鹹，
甚至可以飲埋。
湯底嘅香濃醇厚令我同朋友都有少少吃驚，
忍唔住係咁飲。
豬肚同雞都俾得非常足料，
淨係湯底同豬肚、雞件已經可以令兩個女仔半飽。
比起一般嘅雞煲火鍋店，
只係注重雞煲，
而打邊爐嘅湯底同用料往往退而求其次，
呢間從串燒到雞煲，
再到打邊爐嘅火鍋料同湯底全部都好高質，
食物質素可以話絕對唔止呢個價錢，
呢個價錢食到如此質素嘅雞煲確係一件幸事。
打邊爐嗰陣，
為左更好地感受豬肚湯嘅鮮味，
作為食肉獸嘅我當然要order唔同肉類啦。
牛肉我地主要嗌左安格斯肩胛牛肉同安格斯牛板腱，
呢兩樣最好食亦最容易回本。
安格斯肩胛牛肉薄切送上，
涮大概十秒就食得，
入口係滿溢嘅醇厚甘香，
油脂雖然豐富但又唔會感覺太肥膩。
而牛板腱比較適合淥十秒鐘以內，
筋肉分明，
滿口肉香，入口即溶，
呢兩個部位都值得一再encore嘅。
重點係佢啲牛真係好新鮮，
完全唔似198蚊可以食到嘅質素。
其他海鮮例如海蝦、鯇魚片、蠔等等都非常高質，
海蝦、蠔煮完無縮水之餘仲非常鮮甜。
鯇魚片個味道都好鮮，
絲毫無雪味，
鍾意食海鮮可以一試。
我地仲嗌左啲豆腐、支竹同芋絲，
同樣都同個邊爐好夾，
索曬湯汁認真好味。
飲品櫃雖然唔係超級多選擇，
但汽水果汁紙包飲品咩都有齊，
甚至仲有我鍾意嘅馬蹄爽，
清爽嘅口感夾埋打邊爐簡直係一絕。
佢哋嘅服務態度亦都係我下次經過絕對會再食嘅一個重點，
態度好到不輸海底撈，
希望繼續保持呢種親民價格同高水準。
張貼
