鮨池壽司店 (已結業)

估唔到大埔都有Omakase！有晚同老公去咗「鮨池」食 dinner，點咗一個超豐富嘅「Omakase」，有齊時令刺身、燒肉、壽司🍣、炸物、炒飯，好滿足咁走！先上 #和風雜菜沙律🥗，份量多，胡麻汁幾開胃！然後是 #五色刺身盛，好新鮮，全部都好鮮甜，特別是帶子同白身魚。再來 #鮨壽司盛，賣相勁靚，亦係好新鮮，特別係海膽壽司，入口即溶，齒頰留香，好正！兩道炸物 — #唐揚魷魚鬚 + #鹿兒島雞翼串 都炸得好惹味，而且炸得幾乾身，唔會一咬落去成口油。雞翼較一般食到嘅大隻，啖啖肉，好味😋！估唔到食完刺身、壽司，接著仲有#日式燒肉，有4款選擇，有日本和牛 和 澳洲牛肩肉等，先由油脂較多嘅開始食，牛味香濃，配燒肉汁一流！最後，仲送來了一大碟 #海膽炒飯，加咗蟹籽，每啖都食到卜卜聲，仲有淡淡海膽味，炒得好香，可惜去到呢度我已經好飽，食唔哂啦！其實，我哋另外仲點咗 #日本津室生蠔🦪，因為而家做緊$68 買一送一，真係好抵！脹卜卜，入口仲有海水味，非常新鮮，性價比好高，下次再來必點！真係好滿足、好飽，但結賬時，店員仲送來一人一條朱古力脆皮雪條😂，來個完美嘅ending！呢個 set 下次要翻兜，好正！