壹蒸鍋

營業中

休息中

今次試下兆萬嘅蒸鍋放題，夠晒特别！我嗌咗個龍蝦海鮮蒸鍋 ($239)，粥底就嗌了招牌瑤柱龍躉魚粥鍋。呢個價錢有咁多嘢食真係好掋。除咗蒸海鮮外，仲有蒸其他餸，然後仲有個粥底，食完仲未夠飽可以加湯打邊爐。可惜我功力未夠，食完個粥都收皮，下次起碼要餓幾餐先再嚟過。一開始就係蒸海鮮，嚟到真係好豐宦。有蠔、龍蝦、蒜蓉蒸蟶子、扇貝、蛤、鮑魚、龍躉，蒜蓉味好香，撈埋啲粉絲又彈牙又惹味。跟住就係蒸點放點，好多嘢食囉。松草花蒸滑雞、小籠包、剁椒蒸魚頭雲、金銀蒜蒸龍躉頭腩、沙嗲金錢牛肚、肉燥蒸茄子、清酒蒸海蜆、四季豆。食埋啲餸就食個煲咗好耐嘅粥喇！我都係第一次食，真心好好食，粥煲到好綿，裡面本身都落咗海鮮，吸受晒全部嘅精華，一個字 - 正！每人300蚊，掋食呀。