好蔡館

營業中

休息中

四個人去食晚飯，冇乜貴價野，好普通嘅餸菜，竟然食咗2900幾蚊。平心而論，個花甲不過不失。 碟千零蚊嘅鹵水鵝， 鵝腸，鵝肝，鵝翼係全晚最好嘅一樣野。但煎蠔餅吾香兼油“林林“，一個字，差！另叫蒜頭焗羔蟹一隻800蚊, 聽落合理，但上菜就發覺隻蟹奇細又冇乜羔，完全搵笨。再叫碗淨雙角，得個名特別，湯底冇味，牛肉豬肉“角“同普通潮州麵舖叫嘅淨雙丸一樣，只分別在形狀。外面嘅丸就算有肉汁都吾洗88蚊一碗，值吾值就見仁見智啦。仲有叫左個炒稞條，普通到不值一提。千萬吾好叫個檸檬鴨湯，除非你喜愛飲檸檬皮嘅苦味。環境吾好，條通道濕“立立“。值得一讚就係個女侍應就好叻，介紹餸菜時樣樣都話好好味。老闆真有福氣，請到個咁好嘅“ 銷售員“。 總括嚟講，性價比其低，吾會返轉頭。