影片
更多
2021-11-13
638 瀏覽
唔經唔覺距離上一次獨自出走東京經兩年😭重記得當日誤打誤撞去左間唔錯嘅居酒屋，思鄉病久久未瘉，又係時間止一止痕🥴今次約埋朋友黎到尖東呢間串燒屋，簡約嘅裝飾不失日本風味，點完串燒就有前菜食，靚嘅日本椰菜生食一d都唔苦，就算唔點麻醬都好好食👍🏻*雞尾 $38**雞胸軟骨 $32*平時食嘅雞軟骨多數係膝軟骨，但其實雞胸軟骨都可以食架，之前喺台灣食過一次，食落個口感分別唔大，但勝在大大塊，呢度嘅雞胸軟骨串燒辣辣地，好惹味，雞尾就真係第一次食喇，平時食切雞呢d部份常通冇人食🤭估唔到整串燒又唔錯喎，充滿油香*明太子雞翼 $48*啖啖肉冇骨，一大啖咬落去好過癮，個面燒到燶燶地，入面就辣辣地*大蔥雞腿肉 $38**雞腿肉(明太子醬) $34*一款係配燒汁加大蔥燒，大蔥燒完少左一份草青味，吸哂d油香都幾正，另一款就配明太子醬，食落似沙律醬嘅texture，兩隻味同雞肉都幾夾*雞膝軟骨 $28**五花腩(梅醬) $38*雞軟骨平時係我嘅至愛，點都要叫返串，另外梅醬五花腩都好吸引，燒到岩岩好，似食緊燒肉嘅味道，食落都唔算好肥*豚肉露荀卷$42**豚肉秋葵卷 $38*怕淨食肉嘅可以叫呢兩款，露荀燒完都重好爽口多
今次約埋朋友黎到尖東呢間串燒屋，簡約嘅裝飾不失日本風味，點完串燒就有前菜食，靚嘅日本椰菜生食一d都唔苦，就算唔點麻醬都好好食👍🏻
*雞尾 $38*
*雞胸軟骨 $32*
平時食嘅雞軟骨多數係膝軟骨，但其實雞胸軟骨都可以食架，之前喺台灣食過一次，食落個口感分別唔大，但勝在大大塊，呢度嘅雞胸軟骨串燒辣辣地，好惹味，雞尾就真係第一次食喇，平時食切雞呢d部份常通冇人食🤭估唔到整串燒又唔錯喎，充滿油香
*明太子雞翼 $48*
啖啖肉冇骨，一大啖咬落去好過癮，個面燒到燶燶地，入面就辣辣地
*大蔥雞腿肉 $38*
*雞腿肉(明太子醬) $34*
一款係配燒汁加大蔥燒，大蔥燒完少左一份草青味，吸哂d油香都幾正，另一款就配明太子醬，食落似沙律醬嘅texture，兩隻味同雞肉都幾夾
*雞膝軟骨 $28*
*五花腩(梅醬) $38*
雞軟骨平時係我嘅至愛，點都要叫返串，另外梅醬五花腩都好吸引，燒到岩岩好，似食緊燒肉嘅味道，食落都唔算好肥
*豚肉露荀卷$42*
*豚肉秋葵卷 $38*
怕淨食肉嘅可以叫呢兩款，露荀燒完都重好爽口多汁，秋葵燒完滑潺潺嘅感覺減少左，平時唔太鍾意食秋葵嘅我都接受到👍🏻
*豚肉虎蝦卷 $88*
重頭戲出場，用上豚肉包住虎蝦燒，面頭灑上黑椒粒，蝦唔會變得乾身，唔洗剝蝦殼都可以食到啖啖蝦肉，蝦頭炸到脆哂可以食埋🤤
*南瓜 $38*
*粟米 $28*
*日本枝豆 $28*
*焦糖菠蘿 $32*
我地重叫左d蔬菜類平衡一下，最欣賞嘅就係燒菠蘿，面頭有層焦糖，咬落去脆脆地，切到一塊塊咁上檯，打卡靚食又方便，菠蘿食落好多汁燒完重好甜添😋
*完熟桃味梳打汽水 $48**柚子酒 $78*
食串燒梗係要飲返杯，柚子酒唔係度度有，飲落幾清新，岩哂食完油膩嘅野中和一下，朋友唔想飲酒就叫左枝桃味梳打，果汁味幾重但又唔太甜👍🏻
張貼
