影片
更多
2014-11-16
5235 瀏覽
沒錯，真係念念不忘蟶子皇。上週五晚上跟朋友到觀塘又一廠廈既火鍋仔打邊爐，食店地方不大，大概可招呼三十多人，若有需要，門口亦會開摺枱，同時坐滿真係好嘈。有多款湯底可供選擇，除左大路既清湯同鴛鴦湯底，最出名既係冬蔭功，可惜同行友人不能吃辣，所以我們點了一個滋潤湯底~雪梨燉豬肺。湯嚟到，滾起即試，味道怪怪的。不過落火鍋料後越滾越滋味。嚟得呢啲私房火鍋，一定會點手切牛($218)，另外又點了即炸響鈴($48)﹑秘製豬肉條($58)﹑鹿兒島黑豚肉($78)﹑手打黑椒鮮牛筋丸($88)﹑芝士墨丸($88)﹑潮州魚蛋($32)﹑牛骨髓($58)﹑新鮮豬腳筋($68)﹑紋甲魷魚($58)﹑雜菜($38)，店員亦推介蟶子皇($188/4隻)，係咪好豐富呢！食到咁上下我地仲點左個必食炸蝦餅($88)，超飽！最先嚟到既火鍋料是鹿兒島黑豚肉，黑豚肉一片片卷得好靚，刨得好薄，雖未至於透光，但灼熟後入口好滑，有淡淡豬味而不臊，掛住少少湯同吃，好味。跟住嚟既有響鈴，一客8件，份量合理，而且堅即炸，金黃色好靚，我地即夾灼一灼，半腍半脆，索盡湯汁，無得彈！唔係點左太多野食，真係想追加呢！蟶子皇真係堅，大隻肉厚，以粉絲墊
上週五晚上跟朋友到觀塘又一廠廈既火鍋仔打邊爐，食店地方不大，大概可招呼三十多人，若有需要，門口亦會開摺枱，同時坐滿真係好嘈。有多款湯底可供選擇，除左大路既清湯同鴛鴦湯底，最出名既係冬蔭功，可惜同行友人不能吃辣，所以我們點了一個滋潤湯底~雪梨燉豬肺。湯嚟到，滾起即試，味道怪怪的。不過落火鍋料後越滾越滋味。
嚟得呢啲私房火鍋，一定會點手切牛($218)，另外又點了即炸響鈴($48)﹑秘製豬肉條($58)﹑鹿兒島黑豚肉($78)﹑手打黑椒鮮牛筋丸($88)﹑芝士墨丸($88)﹑潮州魚蛋($32)﹑牛骨髓($58)﹑新鮮豬腳筋($68)﹑紋甲魷魚($58)﹑雜菜($38)，店員亦推介蟶子皇($188/4隻)，係咪好豐富呢！食到咁上下我地仲點左個必食炸蝦餅($88)，超飽！
最先嚟到既火鍋料是鹿兒島黑豚肉，黑豚肉一片片卷得好靚，刨得好薄，雖未至於透光，但灼熟後入口好滑，有淡淡豬味而不臊，掛住少少湯同吃，好味。
跟住嚟既有響鈴，一客8件，份量合理，而且堅即炸，金黃色好靚，我地即夾灼一灼，半腍半脆，索盡湯汁，無得彈！唔係點左太多野食，真係想追加呢！
蟶子皇真係堅，大隻肉厚，以粉絲墊住出場，讓人食指大動。一般喺街食蟶子，唔係有砂就係好腥，估唔到這裡冇砂之餘，入口超鮮甜，爽脆多汁，講真既，前晚食完，事隔兩日我依然堅掛住，所以話念念不忘。以其質素之高，收$188真係唔貴。
手打黑椒鮮牛筋丸，賣相好Raw，咬一口好彈牙，黑椒味香，唔會過辣但很惹味。
秘製豬肉條賣相跟一般既豬頸肉很似，但冇咁肥，可能就係被處理過所以叫秘製啦！食落冇話特別好吃，但同豬頸肉一樣有咬口。
芝士墨丸同潮州魚蛋同時上枱，前者新鮮墨魚打至起膠，入面包著芝士粒，淥熟後往咀裡送，既有墨魚鮮味，芝士份量亦夠，帶少少鹹香，口感豐富。後者相對較為遜色。(唔係唔好味，但前者及其他配料質素太高而已！)
牛骨髓我不吃，無評語。
至於新鮮豬腳筋，我本來好有期望，但見其真身則有點失望，好像煲湯過後既豬肉咁，軟骨部份一係過漏，一係帶硬有點涸喉，可以不試！
日式類既代表紋甲魷魚來了，見有wasabi，問店員是當刺身吃還是火鍋料，原來係刺身，失覺哂！未食先觀其相，好飽滿，雪白得嚟有光澤，看得出是新鮮貨式。點少少刺身醬油及芥末同吃，雖未有蟶子皇出色，但魷魚爽口夠鮮味，不像平時一般魷魚難嚼如吃香口膠，平時都會點魷魚壽司吃的我連吃兩片呢！
手切牛肉很晚才上桌，差點以為漏單，牛肉色澤殷紅帶油花，輕輕灼熱沾少許醬油同吃已能帶出牛味，又夠軟熟，容易咀嚼，無渣。不過相對其他好料如蟶子皇﹑紋甲魷魚及芝士墨丸，牛肉只係達至應有水準，唔算超班。
數完上述食物，你都覺我地見飽吧！但我地再點了雜菜及so-called必食炸蝦餅。雜菜好新鮮，有唐生菜﹑油麥菜及娃娃菜，因為新鮮，故簡單以玻璃兜盛著都好靚。至於炸蝦餅，好像以雲吞皮包鮮蝦膠即炸，雖然新鮮彈牙，但有浸梘水味咁，如做法像酒樓既鮮蝦腐皮卷的話相信味道更佳。
這裡不設加一，但每位茶芥$18，亦冇茶水供應，要自費飲品(如津路﹑可樂等)，食左以上咁多食物，4客飲品，每人埋單$330，唔平，但勝在佢俾既食物質素唔錯，叫做俾錢俾得舒服。但地方唔算就腳，用餐環境麻麻，我諗試過就夠，未必encore呢！
張貼
