影片
更多
2018-05-06
874 瀏覽
之前曾幫襯過觀塘嘅「龍城冰室」，覺得店裡嘅食物，味道唔錯，而且定價相宜，經濟抵食。最近得知餐廳喺銅鑼灣開咗新分店，趁今日落開嚟銅鑼灣，就一於近近哋過嚟吃頓晚餐。店內地方不大，一貫茶記格局，座位編排得有點密麻，不過環境同佈置都幾有特色，中間嘅牆身用上紅磚砌成，配以天花的鎢絲燈、鐵架上的小盆栽和近門口的一列懷舊黑色窗框，裝潢帶古典風。由於來到時時間尚早，還未到晚市時段，所以很輕易就找到個卡位。入座後先翻開餐牌，基本上冰室必備嘅港式炒粉麵飯、鐵板餐、意粉、小食、常餐，以至晚市小菜等，全部都有齊。老公想吃中式小菜，而我就偏好西式小食，一於各自揀自己嘅心頭好。看看腕錶，原來 6 點前仍可以點下午茶餐，而且仲有我至愛吃的炸雞髀，當然唔可以錯過。招牌脆炸雞髀配沙律 ($39)，雞髀即叫即炸，需時約 15 分鐘，送上來時仍熱辣辣。撕下雞皮來吃，皮脆又不太油膩，夠曬香口。再大口咬下雞腿，雞肉嫩滑，唔乾有肉汁，無雪藏味，非常 Juicy！旁邊的雜果沙律，份量十足，用料亦絕不欺場，有栗米、椰果、菠蘿同紅腰豆等，加上沙律醬，味道甜甜酸酸，很醒胃。跟餐嘅凍檸茶 (+$3)，茶味澀而不苦，配上幾片檸檬，尚算討好。
之前曾幫襯過觀塘嘅「龍城冰室」，覺得店裡嘅食物，味道唔錯，而且定價相宜，經濟抵食。最近得知餐廳喺銅鑼灣開咗新分店，趁今日落開嚟銅鑼灣，就一於近近哋過嚟吃頓晚餐。
店內地方不大，一貫茶記格局，座位編排得有點密麻，不過環境同佈置都幾有特色，中間嘅牆身用上紅磚砌成，配以天花的鎢絲燈、鐵架上的小盆栽和近門口的一列懷舊黑色窗框，裝潢帶古典風。由於來到時時間尚早，還未到晚市時段，所以很輕易就找到個卡位。
入座後先翻開餐牌，基本上冰室必備嘅港式炒粉麵飯、鐵板餐、意粉、小食、常餐，以至晚市小菜等，全部都有齊。老公想吃中式小菜，而我就偏好西式小食，一於各自揀自己嘅心頭好。看看腕錶，原來 6 點前仍可以點下午茶餐，而且仲有我至愛吃的炸雞髀，當然唔可以錯過。
招牌脆炸雞髀配沙律 ($39)，雞髀即叫即炸，需時約 15 分鐘，送上來時仍熱辣辣。撕下雞皮來吃，皮脆又不太油膩，夠曬香口。再大口咬下雞腿，雞肉嫩滑，唔乾有肉汁，無雪藏味，非常 Juicy！旁邊的雜果沙律，份量十足，用料亦絕不欺場，有栗米、椰果、菠蘿同紅腰豆等，加上沙律醬，味道甜甜酸酸，很醒胃。跟餐嘅凍檸茶 (+$3)，茶味澀而不苦，配上幾片檸檬，尚算討好。
至於是日晚餐就有沙丹雞扒同蒜香豉汁蒸倉魚兩款可供選擇，揀了後者，套餐跟白飯，另奉送明火例湯及熱飲。另外餐廳而家做緊晚市優惠，如果客人消費滿 $110 以上，就可以用優惠價 $18 點原隻花膠冬菇雞煲一客，嘩！咁抵食，當然要試埋啦。 
例湯可以揀白湯、紅湯或中湯，是日中湯係火喉十足嘅花生木瓜雪耳煲豬骨湯，湯面沒有泛油光，少鹽少油，清甜滋潤，健胃益脾，老少咸宜。
蒜香豉汁蒸倉魚 ($69)，蒸倉魚火喉亦控制得剛好，唔會過熟，魚肉入口嫩滑，味道鮮美，加上豉汁沒過濃奪走魚肉的鮮甜，水準不俗。
跟餐熱檸茶
壓尾嘅原隻花膠冬菇雞煲 (+$18)，上檯時香噴噴，而且份量亦唔野少。雞件收得夠乾，肉質嫩滑又夠入味。冬菇 Size 雖然比較細隻，但圓碌碌，尚算厚肉，食落都幾爽滑。不過講到最煞食，當然係煲內的花膠，色澤亮麗，腍滑肉厚，而且食落仲帶點黏口，充滿膠質，配埋惹味嘅紫洋蔥同醬汁一齊食，風味十足。其實就算兩三個人食都夠，非常足料。食到咁飽，睇嚟要去散下步，幫助消化。
張貼
