MOS Burger (大埔超級城C區)

營業中

休息中

成日食Mos Burger , 試過唔同套餐，大家都應該不陌生！我自己就鐘意食蝦堡，蝦香味濃，有咬口，個包仲保持好熱，蝦都好大隻，椰菜絲好多好豐盛，蛋黃醬好香又夠多醬汁，食完已經好飽。薯條就有改善空間，唔夠熱，好快變凍，會變硬變乾，唔太好食！ 另外，我加配熱奶茶，初初見到紙杯只有熱水，以為佢俾錯，原來係自己落茶包，再加奶去溝出熱奶茶，當然無茶餐廳奶茶咁好飲，但日本style 係咁，我去日本食都一樣，熱奶茶就唔太好飲，佢用Twining tea, 都係高品質茶包！ 總結：$50 一個餐都算不錯，快靚正好過M記，質素都有水準，唔會太難食，下次再試其他套餐！